新四十二章丨戴耀明獲提名對年邁母親有所交代 入行30年終被看見：獎項是人生紀念

戴耀明在《新四十二章》中飾演武功高強的施朗，收起以往諧趣、好色既定形象，也是第一次接受演武打戲份的考驗，亦是首次有認認真真的感情線發展。入行30年不斷有「第一次」的發生，正是他覺得演戲最令人著迷之處。去年入圍台慶頒獎禮「最佳男配角」，讓年邁的媽媽驚覺兒子是一名有實力的演員，亦成為他繼續前進的推動力。

{{hket:ul-video id="7642"}}{{/hket:ul-video}}

《新四十二章》的施朗武功高強，且對Zoie（鄺潔楹 飾）一往情深，戴耀明坦承這次角色為他帶來不少第一次，包括武打戲和感情戲，說：「以往拍劇都有武打戲，不過被打一嘢就死，今次係入行30年以來武打戲最多嘅劇，事前不斷練打，加上我瘦，好易撞傷，前手臂位置腫起嚟好似斷骨咁，當時誤以為自己患骨癌，好彩檢查之後冇事！練習過程當然辛苦，我好享受，仲有感情線添！我以前從來冇試過同靚女藝人有感情線，印象中都係搞笑為主。」

{{hket:inline-image name="UUBNC.JPG"}}{{/hket:inline-image}}

{{hket:inline-image name="JH.JPG"}}{{/hket:inline-image}}

戴耀明入行30年首次入男配角十強 阿媽主動拍片拉票：大姐大哥投佢一票【下一頁】

中學年代無心向學，戴耀明在媽媽的建議下投考亞視藝員訓練班，畢業後大多數飾演警察的角色，至於何解突然會跳到去「鹹濕佬」路線？他笑言：「一開始唔會認定我有呢種潛質嘅，副導演多數安排我演看更、劫匪。係我主動加少少戲，明明打劫師奶，硬要加少少色瞇瞇嘅感覺落去，越來越多，唔經唔覺就入晒編導個腦入面，久而久之，佢哋諗到市井或好色或就諗起我。」被定型後，大多數角色都非常類近，他仍執著每次演繹不同程度的好色，「就算係好色之徒、小人物或者小混混，都嘗試演不一樣嘅版本。」

戴耀明身材瘦削加上獨特的卡通臉，扮演一拳超人、小丸子爺爺和芝麻街的Bert都相當神似，「我有頭髮嘅時候有瀏海，嗰時係最接近黎明呀！」縱使多年來總是扮演小人物的角色，從未站上男主角的位置，他從沒想過放棄，終於等到去年提名「最佳男配角」獎項，「拍戲同辦公室工作唔同，唔係每日做重複嘅事，分分鐘一年入面可以『做』十幾種職業。對我嚟講，去年係人生中值得紀念嘅一年，《青春不要臉》喺一月時候播出，以為觀眾早就忘記得李天光呢個角色一乾二淨，竟然有機會提名？我真係非常開心興奮！每年頒獎禮入圍嘅，基本上男一、女一都一定入圍，配角未必每年都一樣，配角得到一次提名之後，可能十年、八年後都未必再第二次。」

{{hket:inline-image name="dai6_600_600.jpg"}}{{/hket:inline-image}}

{{hket:inline-image name="8699442f-4110-4be0-80ce-606df2ae8457_600.jpg"}}{{/hket:inline-image}}

{{hket:inline-image name="272102278_419697019845960_8330465295772718669_n_600.jpg"}}{{/hket:inline-image}}

戴耀明亞視劈炮因收視低冇人睇 拒王維基高薪挖角因禍得福【下一頁】

在頒獎禮前夕，戴媽媽都為兒子落力拉票，他笑言入圍前媽媽把其工作視作跟辦公室職員無異，「有時我打扮一下，佢會話我：『著咁靚做乜？又要我拎啲衫去乾洗，好鬼貴！』大佬呀，話晒都演員，打扮一下好正常啫！直至有份提名，佢先知原來我可以再行前一步。」他深信公司入面600多名演員中，每個人都有期望得獎的一天，這樣才會有前進的心態，而不止是「應付」工作，「結果冇獎，坦白講難免有少少失望，唔緊要啦！老土講句，失敗乃下次成功嘅關鍵，相信將來可以演得更好。」

{{hket:inline-image name="DA3_600.jpg"}}{{/hket:inline-image}}

{{hket:inline-image name="dia3_600_600_600.png"}}{{/hket:inline-image}}

獎項方面再接再厲，戴耀明在另一方面都滿足到媽媽心願，就是他情定終生的好消息，「媽媽83歲，佢成日怕年紀大突然睡夢中走，希望有個伴，怕我老咗冇人照顧。未婚妻同我相識十幾年，關係好似屋企人一樣，我哋冇好似拍戲咁，喺好多朋友見證之下求婚，雙方已經係老夫老妻。」他坦言人生如戲，年邁媽媽老去的「這幕戲」早在他心中有所準備，「怕一定怕，明白呢個係人生過程，做演員，咩場景都遇過，媽媽突然離開呢場戲早已印喺腦海，差在唔知邊個場景發生。最重要係活好每一天，有生之年希望得獎，作為一個紀念。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉