戴耀明演過無數奸角當磨練 被媽媽嫌棄：我都唔想睇！

戴耀明與媽媽接受薛家燕、思敏和范振鋒的訪問，前者在新城節目《開心大派對》上說，1991年投考亞視藝員訓練班，參與拍攝幾套劇集後，離開了亞視；1993年參加TVB《第十二屆新秀歌唱大賽》，可惜未能晉身三甲；1994年加入無綫，並報讀無綫第6期藝員進修班，自此接演了過百齣劇集。家燕姐笑說：「你唱得㗎喎！早知叫你上《流行經典50年》啦！」

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

{{hket:inline-image name="285886332_132775859411286_4694368098564841346_n.JPG"}}{{/hket:inline-image}}

戴耀明飾演過不少角色，大部分都是配角，他說：「我哋訓練班出嚟嘅係騎幾組戲，3、4個（錄影）廠，基本上我哋實有份拍，嗰頭做完律師，下一轉就要換衫去做小販，呢個係好好嘅磨練，只係踩得太多廠，個人有少少黐黐哋，最高紀錄一日走3個廠，試過撈亂咗入錯廠！對於新人嚟講，可以落場實戰，有咗實戰經驗，比其他人會快上手。」入行超過半世紀的薛家燕，亦認同實習經驗最重要，縱使辛苦，但一定有所得著。

360秒人生課堂︳戴耀明細訴當街被叫茄哩啡經歷 爆母親心願兒子搵個好女伴【下一頁】

提到他在《皆大歡喜》古裝版中，先後飾演食客、山賊、官差、小販等角色，他笑說：「犀利喇！賣魚佬、打劫、強姦都做勻晒，嗰陣時好興咁樣，幾集之前做過賣魚？咁10集後就演強姦犯啦！」至於在深夜時分熱播的《天地男兒》，扮演警員「王偉祥」，他說：「PA打嚟話有嘢益我，連戲、差人，有5、60個騷（錢），我話『唔係吖嘛？夠食一年（騷錢）㗎喎！』後來發覺呢個角色仲有對白，跟住秋官（鄭少秋）、Chilam（張智霖），嗰年我當中咗六合彩！」

戴耀明「骨癌」見真情將與舊愛結婚 醫生做月老圓母「望子成家」心願【下一頁】

{{hket:inline-image name="55.JPG"}}{{/hket:inline-image}}

由於演繹過不少奸角，戴耀明表示在街上，曾被觀眾指住責罵，「試過有次畀阿婆用把遮指住我嚟鬧，『你個衰仔！真係好鬼衰！你咁樣對阿媽！』我心諗咩事呀，後來諗起，原來幾日前我演過一場戲，偷阿媽啲錢。」他不是「提醒」媽媽「捧個仔場」，但戴媽媽未有理會，她笑說：「我都唔想睇呀！睇親都係打劫阿婆，打到人哋甩褲，我唔想呀……做親都係呢啲嘢，冇話好好哋嘅！有兒有女有太太呀，一家人口嗰啲呀，佢又冇得做。」戴耀明笑指：「全靠我演強姦犯，先有家用拎畀你！」

戴耀明行街「中頭獎」後即買六合彩 點知真係中獎有錢收：有運成咁？【下一頁】

{{hket:inline-image name="800_fe5d4d4cbeecc28a1ba83b935d68ec50.jpg"}}{{/hket:inline-image}}

談及與盧海鵬拍劇結緣，戴耀明笑說：「我好深刻印象嘅係，佢經常講粗口，但佢嘅粗口完全唔乞人憎，佢經常性稱呼我做『西仔』，但個『西』字要講歪少少，好搞笑；我好敬佩佢，以前佢揸電單車，點知炒車，包住隻腳都照返嚟開工，畀著我就唔返啦！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】