羅力威以大哥哥身份鼓勵劉馬車 內容真誠唔做作網民讚：樂壇清泉

網名劉馬車嘅網絡紅人劉駿軒一向靠出位行為獲得唔少網民關注，周日（12日）佢擅闖渣打馬拉松賽道「參賽」，以及領取獎牌，全個過程都在網上直播。事件惹來唔少關注，之後劉馬車拍片激動表示：「TVB侮辱我！你班網民個個攻擊我，想我死！」日前劉馬車出post恭賀佢偶像羅力威同雨僑情人節快樂，並獲得羅力威暖心回覆，事件意外令羅力威加唔少分。

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

劉馬車發文曬出同羅力威14年前的合照，以及羅力威過百字嘅鼓勵說話。羅力威先感謝對方多年來的支持，對於劉馬車打算加入娛樂圈，羅力威提醒佢小心被人利用，「你要自己好好判斷哪一些人是為你好，哪一次機會是能夠幫到你的，不要被人利用，也不要利用人。」又勸佢唔好做犯法嘅事，「要正正當當全力做，流過汗、流過淚，自己滿意，這才是男子漢。」對話截圖見到劉馬車多次致電羅力威，後者未有接聽電話。

{{hket:inline-image name="f031225e7353f773d17f96be410250c7.jpg"}}{{/hket:inline-image}}

劉馬車似乎被感動，留言畀佢尊敬嘅「威哥哥」，「多謝你在我的生命中出現，你的音樂陪伴著我成長，轉眼匆匆14載，你已出了數張專輯，你已是兩個孩子的父親。我卻甚麼都還不是，一事無成，甚至一路以來受盡嘲熱諷、攻擊侮辱，我覺得自己好愧對於你和雨僑姐姐。但我真的好想你知道，我的初心從來無變，我仍然是當年的那個軒仔。」又表示自己仍然好喜歡「威哥哥」，「這些年經歷了那麼多，我看透了人情冷暖，我大個仔了，我不想再糟蹋自己，令關心我、愛我的人失望。2023我要做些成績出來，我一定要逆轉自己的人生！人爾虞我詐，是真或是假，有時候只能當作聽笑話，只要你和我，互相相信著，打敗流言是非！」

網民都大讚羅力威真誠又善良，呢件事為佢加好多分，網民稱：「羅力威嗰堆說話好語重心長，明顯係有follow開馬車先講得出」、「威哥哥真心黐線。只係呢件事已經令人對佢好感度最少加100分，聖人」、「其實睇落幾感動，羅力威似係一個好善良嘅人，平時無咩留意佢都即刻對佢加分」、「起碼唔做作，而且私底下搵佢都真係想馬車懸崖勒馬」、「睇得出篇文好真心」；「feel到羅力威個人好nice, 一般人應該會遠離馬車」、「正常見到劉馬車都會行遠啲，一係hea回」，甚至雅稱對方「樂壇清泉」。

撰文：娛樂組