新四十二章丨吳子冲演街頭詩人角色影射「松島安」 酷爆奸人預告：一路殺到最後

《新四十二章》在寶藏秘密揭曉前，加入懸疑元素，「松島春」（吳子冲 飾）主動現身救螢嬌（龔嘉欣 飾），她誤認對方為童年好朋友張志春，並火速發展情侶關係，惟螢嬌的兩個哥哥古力（林景程 飾）、若望（易宇航飾）深感對方不是好人，古力狂寸對方搽眼影，認真搞笑。「松島春」無論在摔跤運動、下棋、煮飯和智力方面都非常之強，兩位哥哥一邊向他「挑機」，也不得不甘拜下風。

同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

七公主│吳子冲將冰山劈開令黃翠如沉船 暖男靚仔照被網友洗版鬧？【下一頁】

{{hket:inline-image name="306d3df5-68b9-4704-99d2-c6936e169ae2.jpg"}}{{/hket:inline-image}}

{{hket:inline-image name="ka1.jpg"}}{{/hket:inline-image}}

{{hket:inline-image name="ka2.jpg"}}{{/hket:inline-image}}

{{hket:inline-image name="Snapi.jpg"}}{{/hket:inline-image}}

「松島春」是一名街頭詩人，明顯影射有下流詩人之稱的「松島安」，藝術風格和內容都非常相似，當然TVB劇集內的「松島春」尺度較為溫和。昨晚King（陳豪 飾）揭發「松島春」並非張志春；而吳子冲飾演的角色其實叫藍奕晨，似乎背後不懷好意，接近螢嬌有何企圖？到底他是否衝著寶藏而來？

吳子冲這次的戲份比上次《七公主》還要多，角色跟上次的暖男大不同，他接受《晴報》電話訪問時表示：「我今次嘅角色名叫做Ronald, 藍奕晨，而呢個街頭詩人『松島春』只係Ronald嘅其中一個身分...我梗係聽過松島安啦，佢咁出名！我一路有follow佢，今次呢個角色搞到佢本人我都有啲唔好意思。」

七公主｜「暖男」吳子冲疑戀老師黃翠如 真·劍擊王子苦練20年終派上用場【下一頁】

{{hket:inline-image name="vvsad.jpg"}}{{/hket:inline-image}}

{{hket:inline-image name="Snapinstt.jpg"}}{{/hket:inline-image}}

提到他在劇中跟林景程切磋摔跤，兩人都穿上超貼身摔跤服，他表示：「摔跤絕對好有難度呀！首先我同景程冇武術底子，開拍之前上咗好多次武術堂，動作指導同我哋練習咗好多翻滾，同埋保護自己嘅動作。我同景程認為，一定要有好高嘅合拍度，就好似兩個人跳舞一樣，如果唔係好容易受傷或者翻滾到一半就跌咗落嚟！慶幸景程係一個好溫柔嘅人，再加上佢係超專業嘅物理治療師，喺練習時，我多次受傷都係靠佢救番我！」他坦言入行以來第一次穿緊身褲在熒幕前出現，難免有害羞的感覺，而當望住林景程的超低胸版本，「即刻覺得我件衫濕濕碎！之後大家都冇諗咁多衣着上面嘅問題，淨係希望可以將最激烈、最有火藥味嘅打鬥呈現出嚟。我嘅體質都非常之玻璃，打籃球都好容易受傷。記得當日拍攝，件衫好窄，我就諗住空肚上陣等身形可以好睇啲啦，點知有少少腳仔軟，當同景程一齊撻落地下時，唔覺意膝頭落地...撞得好應，結果膝頭哥腫咗兩個禮拜。」同時感激有大量打戲經驗的易宇航，有一場戲，他被人用麻包袋笠頭毆打，完全沒有受傷，拍攝非常順利。

{{hket:inline-image name="ych.jpg"}}{{/hket:inline-image}}

{{hket:inline-image name="kajhd.jpg"}}{{/hket:inline-image}}

今次戲份比《七公主》劍擊高手一角還要多，吳子冲感激監製陳維冠給予機會，有很多新嘗試，「收到劇本時，我覺得好有挑戰性，因為我從來未做過反派。我要演一個有啲寸又好酷嘅人物，監製想我酷得嚟又唔可以chok，我覺得最難嘅就係喺呢兩樣嘢之間攞一個平衡。喺幾個月嘅拍攝過程入面，冇諗自己戲份重唔重嘅問題，只係想盡量鑽研呢個角色，希望可以做到監製、編審嘅要求同埋令觀眾鍾意。」問到藍奕晨埋螢嬌身，是否為寶藏而來？他說：「唔劇透住！只可以話藍奕晨呢個人一啲都唔簡單，好識得利用人與人之間嘅關係。佢最終目的絕對唔係寶藏咁簡單，只可透露佢會一路殺到最後！」

{{hket:inline-image name="ur.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉