福爾摩師奶丨黃智賢陳松伶「不老傳說」罕有合體 緣份始於《閃電傳真機》相識三十載

現年55歲嘅黃智賢（Ben）入行超過三十年，雖然多演配角，但佢精湛嘅演技同穩定嘅表現可以話係有口皆碑。2004年Ben與圈外女友Maggie結婚，婚後兩人有共識決定不生育，不過就建立起佢嘅護膚品生意「BB」，生財有道嘅佢仍不時接拍劇集，閒時「弄狗為樂」同煮番幾味，又不時與朋友聚會，生活過得優哉遊哉。日前佢就同相識多年嘅老友陳松伶聚會，二人多年冇聚頭但容顏如昔，係真正嘅不老傳說呀！

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

{{hket:inline-image name="30922107_162137337787810_2724835910960021504_n_600.jpg"}}{{/hket:inline-image}}

日前黃智賢Post出同陳松伶嘅合照，留言：「好朋友聚會，很久沒見松松姐姐🥰 開心🎉她叫我一夫😂」大家都知松松姐姐自唱完兒歌後就畀人叫足姐姐廿年，而Ben講嘅「一夫」就係二人幾年前合作拍嘅電視劇《福爾摩師奶》中嘅角色名。近年松松姐姐多數時間都喺內地，不過時間冇影響二人嘅友誼，都冇改變二人嘅外貌，兩個都好似廿年前一樣，唔知食咗幾多防腐劑。

松松同Ben兩個已經相識超過20年，1990年的《閃電傳真機》，當時Ben係主持，而松松係兒歌界天后，Ben同譚玉瑛主持嘅短劇單元《叉燒包與漢堡包》、《烏卒卒》等，主題曲就係由松松所唱。二人不時於錄影廠碰面，至2019年先有機會合作無綫劇《福爾摩師奶》。

圖片來源：Instagarm