陳曉東放棄修圖重回現實世界 47歲男神變慈父回春冇膠面

47歲嘅陳曉東出道28年，青靚白淨外形煞食，一出道已被睇好，佢亦不負眾望迷倒老中青，紅足咁多年，喺中港台人氣極高。早年佢去到內地發展，9年前仲娶得台灣前護士王妤嫻，婚後育有兩女，一家四口生活美滿。除咗家庭生活之外，東東外貌一直備受關注，近年被指走樣、膠面，疑似整容，雖然多次澄清但依然謠言不斷，近日佢就「用相片說話」，為自己平反。

同場加映：健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

{{hket:inline-image name="cdc23133c5357de6066ccf0fe3060e7d.jpg"}}{{/hket:inline-image}}

陳曉東帶妻女回港過農曆新年，活動就係帶8歲大女「朵朵」陳芷霖同7歲細女「多多」陳芷怡去主題公園玩，真係廿四孝爸爸！仲不停update社交平台，同fans分享佢哋去咗咩景點，其中佢同囡囡嘅自拍video就最多人討論！

陳曉東拉低口罩，同囡囡喺纜車上自拍留影，拎住一袋二袋，認真辛苦。重點都係東東回春嘅靚樣，感覺似後生咗20年咁，又未去到初出道時咁青澀，有少少佬味，可以話係新顏值巔峰！近年，東東多次被指變樣、面容僵硬，自拍照更驚變「蛇精樣」，今次原相直出反而大獲好評，真係Less is more！真係唔使多解釋，東東一張相勝過千言萬語，相信網民都冇異議啦！

撰文︰娛樂組