麥當勞逾萬員工獲$500利市 一連3晚亞博辦年度晚宴

新年將到，打工仔收到利市當然開心啦！黛安知道，植根香港48年嘅麥當勞向來視員工為重要資產，為答謝員工過去數年喺疫情下一直緊守崗位，每日服務逾百萬顧客，所以特別喺農曆新年前，向近萬名連續性合約員工每人派發$500「麥麥打氣」利市。另外，2月會一連3晚喺亞洲國際博覽館舉辦員工年度晚宴，今次係闊別3年後首次同員工歡度新年，藉此酬謝逾8,000名員工一直以來嘅「麥麥耕耘」。

香港麥當勞行政總裁黎韋詩同黛安分享︰「好感謝員工過去數年疫情期間與我哋上下一心、並肩作戰，並成為我哋嘅最強後盾，因此希望向員工送上利市，一同歡度及迎接兔年。」佢仲話，有見社交距離措施放寬，所以立刻把握機會再次辦員工年度晚宴，畀麥當勞團隊可以聚首一堂歡聚慶祝。