33歲的《東張西望》女神林希靈今年4月接受34歲的ViuTV藝人男友陳安立求婚，拍拖五年的兩人選擇在12月24日平安夜的今日正式拉埋天窗，兩人在香港深灣遊艇會舉行中午婚宴，廣邀圈中好友出席，當中包括洪永城、王賢誌、鄭衍峰、黃嘉樂、蘇皓兒、張詩欣、利穎怡、沈殷怡、肥仔梁業@ERROR、黃劍文、強尼、練美娟等等，而許家傑、周志康、周志文、陳偉洪、羅天宇、蘇伊俊 (籃球員)、黃愷怡、鄺潔楹、李雯希亦擔任兄弟姊妹團，星光熠熠。
同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇
正義女神封盤丨林希靈接受男友海邊蝦碌求婚 陳安立：「唯有用餘生慢慢再説」【下一頁】
希靈打破傳統，棄穿裙褂改以紅色背心連身裙出門，不過兩人都有跟足規矩向長輩敬茶，兩人甜到爆全程錫唔停。隨後，一對新人在遊艇會換上婚紗和禮服，在所有親友面前完成註冊儀式，正式成為陳生陳太，一對新人心情High爆一路由門口跳跳彈彈咁進場，非常開心獲得全場歡呼。
林希靈偏愛高佬陳安立拍拖頸痠 踢爆未婚夫愛霸廁所玩手機【下一頁】
一對新人隨後接受訪問，林希靈更滿臉風騷：「其實我哋都有喊嘅，係幸福嘅眼淚！之前七師傅話叫我哋床頭擺指定方位，咁有利造人啲，所以今晚我會婉拒啲聖誕派對，因為要試吓啲風水方位。婚後老公要開劇，所以我同姊妹去Honey moon補數。」而陳安立笑指婚禮將三個電視台結合，婚宴上進行飲酒大比併，「諗住叫娟姐主持飲酒大賽，每個台派兩個人上嚟鬥快飲酒。」最終由翟威廉代表亞視，羅天宇、鄭衍峰等代表TVB，而練美娟和沈殷怡就代表ViuTV比賽，而陳安立同強尼都有加入比賽，最終獲勝，認真厲害！陳安立說中「我叫小肥上台唱《時光機》，佢初時都話大吉利市，我話我哋百無禁忌，飲住啤酒聽佢唱歌苦情歌，失戀感覺爆燈。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：楊安莉