黃聖依90歲奶奶感染新冠肺炎 楊子稱食35年前中成藥即轉一線

長者同長期病患普遍抵抗力較差，身體機能亦較弱，患上傳染病時難免比一般人難以痊癒甚或致命率更高。近日內地女星黃聖依嘅90歲奶奶就不幸染疫，而佢嘅老公楊子就喺社交平台發文，指媽媽老人家食咗一款35年前出廠嘅老中藥「蘇合香丸」就好快轉為一線，令不少網友感到非常驚訝。

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

楊子貼出多張同母親嘅合照，透露後者早前感染新冠肺炎，不過食咗一粒88年嘅中藥「蘇合香丸」後就退燒兼轉為一線，佢大讚老中藥效用神奇，留言：「88年的蘇合香丸一顆退燒，轉陰，祈福大家安康，天下無疫，讚嘆老中藥神奇，國粹老中藥再次綻放！」

{{hket:inline-image name="WhatsA.jpeg"}}{{/hket:inline-image}}

楊子又貼出的另一張照片，指該藥為「國家衛健委推薦新冠治療中成藥」，不過「蘇合香丸」就同港人較為熟悉嘅「安宮牛黃丸」一樣喺「危重型」一列中出現，但就未知係咪會針對新冠肺炎有效治療。

而有指呢盒「蘇合香丸」因為是上世紀80年代的藥物，一盒就已經炒到10萬人民幣一盒（約11萬港元）；而翻查市面上「蘇合香丸」嘅價錢，市價由最平360人民幣（約400港幣）至6,600人民幣 （約7,400港幣）不等。

大量內地網民都急急追問楊子可以喺邊買到效用咁神奇嘅「聖藥」，亦紛紛留言讚頌國藥效果超卓。同時有唔少網民提出質疑：「不會過期嗎」、「一顆轉陰，有點玄吧」、「切不可亂吃，中藥對症下藥，也不可看見一個方子（中醫處方）就自己去抓」。

撰文︰娛樂組

圖片來源：抖音