季前賽丨姜濤被Do姐追問身形時圓時瘦 超尷尬解釋：我衰食太多嘢！

《季前賽》導演袁劍偉和姜濤昨日在商台，接受鄭裕玲（Do姐）主持的《口水多過浪花》訪問。對於演員們的籃球技術，袁導立即交波給姜濤：「你自己講！」姜濤尷尬地說：「一般啦，鍾意打，但唔係好似劇入面咁勁，現實中當然冇咁勁，但真係鍾意打。」他表示很喜歡在維園跟阿伯打籃球。袁導指姜濤有一招絕技「右手上籃，然後再鈎手」，姜濤笑說：「因為打開街場，就冇專業訓練，所以同阿伯一樣，練死一招，擦板就擦板，鈎手就鈎手。」

同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.jpg"}}{{/hket:inline-image}}

袁導細談演員們的球技，指姜濤打波很自我，姜濤承認自己較為獨食，Do姐問他：「你好鍾意表現自己？」姜濤說：「由細到大，冇乜自信，慣咗喺球場上攞番啲自信，所以同阿孝呢個角色嘅前期比較似，唔係好信人，可能信自己會好啲。」

姜濤遺憾冇完整中學生涯 「內心深處有種唔順氣自己咁肥」【下一頁】

Do姐示意要問一些較為爭議性話題，她問及姜濤的身形，初頭比較圓潤，「我都係一個觀眾，我都有疑問㗎嘛，點解姜濤咁圓碌碌嘅？跟住好似有啲唔連戲。」姜濤尷尬地笑說：「冇乜好解釋，我衰食太多嘢！」Do姐表示：「你唔知要開工咩？」姜濤續說：「嗰陣時冇諗太多，就係覺得打波就要食多啲嘢補充體力先，拍到中間，我覺得唔係好對路，跟住fit番，但問題就出嚟喇！明明係同一間房嘅出入，嗰頭入去係肥，但出嚟又瘦番。」Do姐食住個勢去追問：「磅數相差幾遠？」姜濤回她：「10kg！」

姜濤被袁劍偉形容係「球場黑洞」 193寸個人主義強：佢冇傳波掣【下一頁】

Do姐指自己有關注姜濤IG，但見到對方的相片，指姜濤的面型跟漢堡包一樣大，姜濤說：「啱啱喺美國拍完戲，的確食好多包！」他直言食到肥，再減，減完fit番又再食，是一生的課題，沒完沒了！袁導表示沒有要求演員要注意磅數，姜濤即說：「所以我好鍾意佢！」Do姐最後打圓場：「今日見到你，你就瘦咗嘅！」姜濤自嘲：「可能聽日又肥番。」最後，袁導表示難以再拍《季前賽》續集，而姜濤則透露有打算30歲後，向演員方向進發。

{{hket:inline-image name="290018609_159730859922917_2633824015020078518_n.jpg"}}{{/hket:inline-image}}

此外，原來姜濤曾經承諾Do姐，要向媽咪講「I Love You」，早前跟家人去歐洲旅行時，真的遵守諾言，跟姜媽講「I Love You」。問到姜媽的反應，姜濤說：「佢唔夠膽相信我會講呢啲嘢，佢問我做咩事？係咪有其他嘢要同佢講，佢開頭係有啲驚，我話純純想講，同埋我諗起我同你呢個承諾！媽咪、姨媽第一日去到有喊，因為以前家境唔好，冇乜去過外國，就算以前去到其他地方，都唔夠膽使費太多；今次佢哋就唔使煩惱呢啲，同埋可能覺得我大個，帶佢哋出去覺得好感動。」經過今次家庭旅行，姜濤感受到自己很幸福！

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】