歐瑞偉一晚三劇都有份各有性格 今年7套劇推出成黃金男配角

歐瑞偉在處境劇《愛回家之開心速遞》中飾演KC，角色深入民心，除了跟Terry（李偉健飾）大有默契外，瑞偉哥偶爾展露身手，前空翻、後空翻、跳火圈等等都難不倒他，非常敏捷。近日，瑞偉哥除了《愛回家》外，連《輕功》和《有種好男人》都見到他的演出，一晚三劇都是他，果然厲害！

同場加映：MC紅館騷望與亡父有連結 最怕體能唔夠搵「賦二代」幫手？

{{hket:ul-video id="7280"}}{{/hket:ul-video}}

愛回家丨KC被誤為狐妖狂打空翻展功架 歐瑞偉曬真‧樂悠卡：心態最緊要【下一頁】

{{hket:inline-image name="c18e01b5-7d8c-49a2-a9c5-d7dff9d38e48.jpg"}}{{/hket:inline-image}}

{{hket:inline-image name="kai13.jpg"}}{{/hket:inline-image}}

雖然一晚三劇，不過瑞偉哥三個角色性格的截然不同，《輕功》中的他出口成文，非常斯文深沉，而且滿腹義氣，面對好兄弟威仔（韋家雄飾）的行動都義不容辭幫忙，而且很情深，對於以往喜歡的對象多年來都念念不忘。至於《有種好男人》性格就剛剛相反，角色賴Sir工作態度囂張，對新入職的楊日正（馬德鐘飾）蝦蝦霸霸，仲小學雞將楊日正的電話掉落水盆「報復」。

巧合的是昨晚《輕功》和《有種好男人》中，歐瑞偉都是跟楊卓娜有面對面對談的情節，前者是錦賢將支持交給嘉嘉（楊卓娜飾），希望匿名支持威仔拍電影的預算，以金錢平息嘉嘉和威仔之間的拗撬。而後者是賴Sir向Rosanna（楊卓娜飾）大吐苦水，一口咬定楊日正撞花他的車而不認。雖然角色不同，關係也不同，不過實在太巧合。

{{hket:inline-image name="1fb71f00-53f1-4eb0-87ae-ba01a37410e5.jpg"}}{{/hket:inline-image}}

{{hket:inline-image name="kai9.jpg"}}{{/hket:inline-image}}

{{hket:inline-image name="kai12.jpg"}}{{/hket:inline-image}}

愛回家丨預告KC陷公關危機同記者交惡 抽水扮袁偉豪：欠咗你班傳媒呀？【下一頁】

其實今年歐瑞偉參與的劇集，連同《愛回家》合共有7套劇集，包括《鐵拳英雄》、《金宵大廈2》、《黯夜守護者》、《超能使者》、《輕功》和《有種好男人》，產量非常高。其中《超能使者》仿Ironman的造型都令觀眾相當有印象，瑞偉哥亦正亦邪，接到不同的角色都有不同的演繹，令戲劇效果加分，絕對稱得上是「黃金男配角」。

歐瑞偉接受《晴報》電話訪問，他笑言：「係啦！一晚三套，呢樣演員控制唔到嘅，不過我怕觀眾睇我睇到悶！（今年好多產？）其實都係做好自己工作本份，監製賞識搵我出演一啲角色，我就努力做好佢，我記得拍《有種好男人》嘅時候，同時三個劇喺身，辛苦嘅，希望表現出嚟冇令大家失望。原本想將《愛回家》KC個髮型同《有種好男人》賴Sir個髮型變成唔同，不過由於時間關係，我成日要轉組怕時間上轉唔切髮型，所以最終兩個角色都用同一個髮型。同埋最緊要係鍾意演戲呢樣嘢，他鍾意就唔會覺得辛苦，反而好有能量，令自己享受其中完成，如果你唔夠鍾意，成日覺得辛苦唔開心，咁樣做出嚟都唔會好睇。」

歐瑞偉在小編提醒才記起自己今年有七劇推出，他坦言幾個角色不同性格，難以選出心頭好，問到會否希望得到「最佳男配角」獎項作回報？他說：「過去幾年都有啲入圍，今年都入圍，只係打唔到入十強，有提名已經好滿足。始終我喺《愛回家》算係比較主戲角色，正劇唔可以有太重戲份，反而每套劇都參與一部分都幾好，多謝監製信任。」

{{hket:inline-image name="WAI2_600.jpg"}}{{/hket:inline-image}}

{{hket:inline-image name="05_600.png"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉