練美娟（娟姐）昨晚在IG即時動態爆料，由MIRROR成員Jeremy李駿傑、Jer柳應廷同ERROR成員梁業（肥仔）合資，位於將軍澳的日本餐店進行試業，事後娟姐孖榮升老闆的Jeremy、陳俞希及李炘頤（Alina）打通宵台灣牌慶祝，見到枱上一張計算食糊番數的紙，當旺的Jeremy明顯領先，應該贏了不少錢。原來這晚張振朗女友楊偲泳（Renci）亦有應邀去新店試菜，並在IG分享她同三位老闆的合照。
同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇
{{hket:ul-video id="7208"}}{{/hket:ul-video}}
娟姐昨晚在IG分享ViuTV藝人同事做老闆，亦不忘為自己劇集《百萬同居計劃》宣傳，上載爆笑的幕後花絮。劇情講她被黃德斌用大門撞向額頭，因此鼻血長流，但是黃德斌卻錯手假戲真做，結果娟姐真的被大門撞中，之後連續幾日腫起來。片中見到娟姐試位時已話好驚，德斌扮專家話用腳頂住，只要大門撞到腳時才做反應，表明一take過ok，更專登搖晃大門給娟姐感受距離。當導演嗌Action就出事，娟姐被大門直撞額頭，當場慘叫嗌好痛兼後退出鏡頭之外。另一條播playback片段內，更清楚見到她被撞一刻。
百萬同居計劃丨Anson Lo被柳應廷爆愛浸浴兩個鐘 娟姐獲黃德斌公主抱：接我唔住【下一頁】
娟姐在IG表示：「仲有四集就大結局了，送上家暴拍攝彩蛋，演唔到所以吓吓都嚟真，個額頭撞一撞然後腫咗幾日，我有理由懷疑以及相信，當時成隊crew包括導演同德斌，夾埋演咗場大龍鳳𠱁我落疊。借咩位啫！真係咁樣撞埋嚟㗎！」網友亦有回應她：「撞完仲靚咗，無嘢嘅」、「娟姐我哋睇到都覺得痛……期待呢個星期蕭太再出場時唔使再受傷（肉體同心靈都係）」、「隔住個Mon都覺痛」、「唔怪得額腫得咁逼真，仲以為化得咁似」、「以前係健身中心見過大隻斌。佢啲肌肉力量真係好勁㗎… 你畀佢用門推推，我都戥你危呀，娟姐」、「呢part拍得好笑呀」及「為藝術而犧牲啦」等。
（↓點擊放大睇圖片↓）
- {{hket:inline-image name="Image08.jpeg"}}{{/hket:inline-image}}
此外，ERROR成員肥仔似乎實力雄厚，亦同MIRROR成員相當老友，不單止跟Jeremy、Jer合資開食店，同Stanley邱士縉有份的舞蹈學校，位於將軍澳的新分校昨日（21日）亦舉行Grand Opening，並請來《是滴是友》拍檔廖碧兒來撐場。
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】