卡塔爾世界盃丨陳伶俐入球場聽大會播《孤勇者》 有米老公化身愛妻號有求必應

陳伶俐2008年與林敏驄離婚，二人所生嘅兩個囝囝跟隨母親生活，2012年陳伶俐與新加坡隱形富豪胡嘉烈後人劉頌銘結婚，及後她又為丈夫誕下一子，正式退出幕前專心相夫教子做豪門少奶！劉頌銘對太太寵愛有加，陳伶俐都不時於社交平台放閃，近日佢哋仲撇低3個仔，去到卡塔爾睇世界盃，非常恩愛呀！

同場加映：  《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

陳伶俐早喺六日前已經Post出自己「集郵」世界級球證哥連拿嘅相片，之後又再Post佢睇另一場球賽嘅相，不過相中就唔見佢老公，唔少人都以為係「一個人」的旅行，大表羨慕。不過原來佢老公都有同行，而且仲係一個跟得老公，對老婆有求必應！陳伶俐因為收到朋友一個訊息，丈夫就立即撲飛，最後竟然成功為太太買到卡塔爾世界盃四強賽事，見證阿根廷以3比0擊敗克羅地亞晉級總決賽。

{{hket:inline-image name="8.jpeg"}}{{/hket:inline-image}}

陳伶俐入場原來係為咗見證大會播放陳奕迅嘅歌曲《孤勇者》，佢留言表示：「因為好朋友的一個訊息，我九秒九想辦法，老公三秒三上網狂撳電話撲飛，為了見到#最後喺球場聽唔到，但畀我認識到第一位當地的朋友仔。#孤勇者聯盟 #第一次自己坐睇波 #阿根廷好波」。

相中見陳伶俐同一位當地女性嘅合照，而另一張相就見到佢同老公坐唔同行列影嘅合照，睇落二人足足隔開咗4行，睇怕係買唔到孖位！不過原來《孤勇者》喺開場前一個鐘已經播出，入場時已錯過，不過睇到一場好波，都總算不枉此行啦！

圖片來源：Instagram