無綫劇集《輕功》講「十一」黎耀祥對亡妻「繆妙」龔慈恩的無盡思念，藉此探討「生死」與「放下」的問題。其實戲中還有另一對經歷喪偶之痛的夫妻，就是「寶螢」寶珮如同亡夫「阿良」，日前第三集終於揭曉「阿良」身分，就是跟寶珮如同樣出身亞視的蔡國威，二人同框演出帶給觀眾一點驚喜及集體回憶。
同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心
蔡國威、寶珮如、陳煒、袁文傑、江美儀同陳展鵬先後由亞視過檔無綫，曾被指感覺「亞視味」濃，不過經過眾人各自努力，已在無綫站穩陣腳，當中陳展鵬於2016年憑《城寨英雄》榮升視帝。對於今次客串演出《輕功》，蔡國威表示：「同Baby寶珮如識咗好多年，係潔儀姐姐（袁潔儀）介紹我識嘅，合作真係冇咩。拍戲對手如果係認識，會容易啲又快啲入戲，尤其是拍感情戲，但同時又因為咁而忍唔到笑，大家實在太熟嘞，當要拍含情脈脈對望或親暱啲嘅行為，係過癮得意又會忍唔到。（監製黃偉聲搵或是自薦？）同聲哥仲未算係正式合作，今次係佢搵我夾Baby，可能覺得我哋兩個襯啩，出嚟有嗰種感覺，所以就搵我客串呢次角色。」
全能司儀選拔大賽2022丨蔡國威勝出憾未趕及獎座獻亡父 與黃建東將「升呢」成台慶司儀【下一頁】
蔡國威並不是首次做人夫角色，2020年《迷網》同葉蒨文飾演一對，還有結婚親咀戲，他說：「嗰次仲係我嘅熒幕初吻，仲有喺《白色強人》入面，我做過陳豪細路仔回憶片段時嘅爸爸，可以講老公角色嘅成就一早已解鎖。（《輕功》入面會再出場？）我同Baby喺劇入面已經結婚，係一對正式夫妻，再出場呢個問題要觀眾密切留意，因為星期三（7日）出場呢集，好多朋友、粉絲都覺得好驚喜，我竟然係做Baby嘅老公，好多人都追問我幾時會喺佢嘅回憶中再出現。講真好多人讚Baby做得好感人又感動，我哋嘅情感係點樣，希望大家繼續追落去，就會知道我點樣『走』，我哋嘅故事有幾感人。（今次演出給觀眾好有感覺？）呢次畀大家感覺會重啲，我投入唔少感情入去，Baby又係大家公認好戲之人，佢係好情深嘅演繹，令到大家對我有好深印象，所以喺度要多謝佢帶得好好。」
全能司儀選拔大賽｜49歲蔡國威入行26年曾懷疑人生 「六合彩之子」乏人問津：點解冇人肯用我？【下一頁】
提到劇中角色有精心挑選的歌曲配合劇情，蔡國威笑說：「呢個要大家細心留意，我唔知仲會唔會出場，或者大家可以估吓監製會配邊首廣東歌，我第一次出場嗰幕就用咗劉美君嘅《最後一夜》，以我所知係Baby唱嘅，如果我真係有機會再出場，大家可以估吓會唔會有首歌關於我哋呢？」聽到威仔的口吻，即是他還會出場，不知道到時他會否和Baby合唱，令這一對夫妻有更圓滿的交代。
（↓點擊放大睇圖片↓）
今年蔡國威的成績表可謂已達標，參與過不少劇集演出，在《全能司儀》中獲得冠軍，更入圍角逐飛躍進步男藝員。他說：「今年公司推出嘅劇集，大家都會發現我嘅蹤跡，無論主演或客串都好多，有《十八年後的終極告白2.0》、《歸光影頌: 母親的桌球》、《童時愛上你》、《白色強人II》、《痞子殿下》、《美麗戰場》同而家播緊嘅《輕功》，啱啱又攞完《全能司儀》嘅冠軍，問我想唔想連中兩元？獎項冇人會嫌多，我梗係想攞多啲獎，今年能夠第一次入圍飛躍進步男藝員，初初收到通知係好驚奇又驚喜，當刻係覺得有入圍、有提名已經當自己贏咗，但有咗提名之後就會貪心，而家好希望自己入到十強，但如果入到十強後，會唔會再貪心啲想成為五強，甚至乎想攞到獎呢？呢啲都係逐步嚟，唔敢去諗太多，呢一刻係想入到十強先，起碼有得同人爭吓，或者再呼籲大家投票畀我。」
蔡國威坦言要多謝以上劇集同綜藝的台前幕後，給予他機會及鼓勵，更要再一次多謝公司給他入圍，「亦要自己多謝自己，因為有付出過努力，證明自己有資格去角逐獎項，大家亦見到我今年進步幅度係幾明顯。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】