全能司儀選拔大賽2022丨蔡國威勝出憾未趕及獎座獻亡父 與黃建東將「升呢」成台慶司儀

《全能司儀選拔大賽2022》昨晚播出最後總決賽，大會特別安排鄭裕玲（Do姐）、林盛斌（Bob）及陸浩明（6號）擔任主持，並有「金牌司儀」鄭丹瑞（旦哥）、森美及阮兆祥擔任評判。經過多輪激戰後，最終由蔡國威及黃建東以優異表現勝出比賽，成功奪得台慶夜司儀席位，令觀眾非常期待。

同場加映：忽然心動丨湯洛雯首次拍電影七日起貨嗌爽 栢天男演出租男友堅食蟲？

{{hket:ul-video id="6937"}}{{/hket:ul-video}}

全能司儀選拔大賽2022丨黃耀英輸比賽老婆李旻芳出po呵番 另類放閃賀結婚周年：懶得離婚【下一頁】

{{hket:inline-image name="akjshdluiyas.JPG"}}{{/hket:inline-image}}

{{hket:inline-image name="kaljsdha.JPG"}}{{/hket:inline-image}}

威威和東東在五強對決可謂過五關斬六將，首先在主持不同類型模擬直播節目時，要面對Bob及6號的瘋狂騷擾，其中威威主持港姐競選時，面對的突發情況是有佳麗突然嬲爆離場，威威見狀即衝出去捉回對方上台：「雖然你輸咗，但我哋有《香港小姐再競選》，你得到呢個入場券喇，恭喜晒！」盡顯急才。隨後他在賽馬評述中以馬名搞Gag炒熱氣氛，獲旦哥大讚。

至於東東主持慈善節目時，面對的「突發狀況」 先後有搞錯頒贈者、善款數字出錯及搶咪事件等，不過出名轉數快的東東一一順利化解。當他負責講波時以「19歲」、「小鮮肉」等字眼出奇制勝，取得Do姐芳心，Do姐笑言：「聽到19歲同小鮮肉即時醒晒。」二人最終以大熱姿態勝出。

全能司儀選拔大賽2022丨參賽藝員遭幕後同觀眾出言踐踏 黃耀英吳紫韻衰囂張負面被淘汰？【下一頁】

東東和威威終如願成為台慶司儀，二人情緒激動，威威喊到眼紅紅，他領獎時激動地表示： 「呢個獎我等咗26年，攞到獎之後想話畀自己知，原來我真係得架！」威威事後受訪時， 坦言領獎時心情激動，皆因想起亡父，威威感觸謂：「其實我一路都覺得自己對屋企人唔住，因為我當初冇理佢哋嘅反對入咗行，一直都想畀啲成績屋企人睇，但一路都係爭啲， 所以10年前爸爸走嗰陣，我好遺憾，好似喺佢走之前我都未能夠有個交代畀佢咁。所以我攞獎時好崩潰，同時有啲感觸，希望天上嘅爸爸可以見到，雖然好似太遲，但遲到好過冇到。」以努力謙虛見稱的威威，還不忘感謝現場三位評判及主持 Do姐的點讚及鼓勵：「佢哋都係神枱級嘅司儀，能夠得到佢哋認同，其實我已經覺得自己贏咗。我真係好想多謝佢哋4位嘅鼓勵，佢哋完騷之後都有叫我加油。」

{{hket:inline-image name="yuasd.JPG"}}{{/hket:inline-image}}

{{hket:inline-image name="aksbb.JPG"}}{{/hket:inline-image}}

至於東東則興奮大叫：「今次台慶唔使企最尾嗰排喇，好耐冇試過喺 TVB 攞獎，對上一次係11年前嘅香港先生。今次呢個比賽贏到自信同埋被認同，希望唔使再𢲷撈！」東東事後受訪時補充：「希望之後有人主動想用我，之前唔係好多人想用我，要好辛苦𢲷先有一個、半個機會，我好希望有自己主力去主持一個節目嘅機會。」

談到先後參加《全城一叮》及《全能司儀》，並在《全城》中大展作曲、創作及彈琴等不同才華，對此東東坦言心中仍有團火：「我好希望喺TVB做番啲成績出嚟，所以我好珍惜每個機會，同埋我想轉型，想搣走騎呢形象，做番踏實嘅主持同演員，我想以作品說話。 另外我最近好努力減肥，已經減咗20磅，希望大家見到我嘅誠意。」

{{hket:inline-image name="iysdya.JPG"}}{{/hket:inline-image}}

{{hket:inline-image name="wai2.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉