東張西望丨蔡國威成功戒煙搣甩廿多年煙癮 捱過3周失眠痛苦：完全靠意志

昨晚一集《東張西望》提到第12屆「戒煙大贏家」活動，芸芸過千名參賽者中，原來「六合彩之子」蔡國威都是其中一人，他以參賽者身分贏得比賽的冠軍，奪得價值28,000港元的電器禮券，可喜可賀。蔡國威接受訪問時表示5年前試過戒煙但不成功，戒掉不足1個月又再吸煙，直至去年他為健康着想，下定決心戒煙，「而家疫情肆虐，如果喺街搵地方食煙，一來鬼祟，二來除咗口罩後，有機會傳染病毒或者感染到病菌同埋違法，所以我覺得係時候戒煙。」

同場加映：河國榮來港35年最愛香港人 面對逆境：一定有明天嘅！

{{hket:ul-video id="5501"}}{{/hket:ul-video}}

一起走過｜蔡國威比賽輸畀阿田無緣做歌手 六合彩之子主持10年：真係唔悶【下一頁】

{{hket:inline-image name="CHOi1.jpg"}}{{/hket:inline-image}}

{{hket:inline-image name="CHOI2.jpg"}}{{/hket:inline-image}}

{{hket:inline-image name="CHOI3.jpg"}}{{/hket:inline-image}}

蔡國威透露自己主持「六合彩」攪珠節目時，工作人員得悉他有意戒煙，建議他參加戒煙比賽：「我問佢有乜嘢好處？佢話好好㗎，有專員跟進，份獎品可以當作目標，都幾吸引，令我可以更專心戒煙。」有指戒煙會影響到社交活動，蔡國威則說：「之前有人話吸煙係好好嘅Gathering，或者有助『埋堆』，但我真係覺得Out喇，反而依家戒煙可能係一個新話題，而且我覺得社交或者聚會，有好多健康活動都可以做啦，唔一定要吸煙嘅！」

蔡國威接受《晴報》電話訪問，他表示已經有廿多年煙齡，以往基本一日食一包煙，煙癮非常嚴重。「戒咗之後最初真係好唔習慣，因為戒煙有個退癮時間，有人係會脾氣暴躁、不斷食嘢，而我就係失眠，我足足失眠咗三個星期，平時我係隻豬嚟呀！一瞓落床就已經瞓得著！點知一戒煙就失眠，呢三星期真係好痛苦，但捱過之後，無論皮膚同身體真係好咗。朋友話我膚質好咗，亦少咗啲敏感粒粒，而呼吸系統特別係喉嚨，冇咁容易咳，同埋條氣都順咗！對身體真係好多好處，希望自己例子都鼓勵到大家，嘗試戒煙。」

20年友情決裂│蔡國威撰長文反駁韓君婷迫遷論 「我做朋友都仁至義盡」【下一頁】

蔡國威直言疫情期間，當作戒煙行動是送給自己的禮物，可以保養好身體，增強抵抗力對抗病毒，過程辛苦但絕對值得，問到靠甚麼心態堅持到？他說：「我覺得唔可以半途而廢，我唔想輸，我參加呢個比賽嘅時候都唔敢話畀身邊嘅人聽，因為我好怕失敗，成功之後先敢同大家講。堅持得到係一份理念，唔可以輸畀自己嘅意志力，唔靠藥物同其他，深信自己一定做得到。」

{{hket:inline-image name="80491452_622027425231559_1765745264397698253_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉