男子組合ERROR成員郭嘉駿（193）自創時裝品牌LILABOC，最近在尖沙咀The ONE舉行「今個聖誕知你咩料市集」，相信吸引不少「老婆」（193 fans暱稱）打卡！193日前在IG出post，稱十分好榮幸請到一位神級嘉賓，原來這位正是鄭裕玲（Do姐），他一直很想對方follow自己。193接受《晴報》訪問，笑指Do姐答應現身市集，得到對方愛錫，還透露稍後與Do姐有合作機會。
同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚
Do姐昨日在IG上載與193的合照，並表示：「早排收到193嘅電話，得知佢個人品牌會舉行首個大型展覽，見佢咁畀心機，一於嚟支持吓。嚟到現場見到咁靚嘅場景，就真係知佢個品牌咩料，真係替佢高興，繼續加油！」
《晴報》聯絡了193，他開心地大讚Do姐好人，「係我親自邀請Do姐，佢好快就答應嚟，好明顯Do姐好錫我啦！但同姜濤、王嘉爾仲爭少少，我努力緊，爭取上一個位置。」問他是否乘機要求Do姐follow他IG？193說：「我已經放棄咗叫Do姐follow我，因為佢嚟我品牌活動，同我影張相仲犀利過佢肯follow我。我覺得Do姐內心已經follow咗我，只不過佢冇做出面。」
193郭嘉駿@ERROR做兼職儲錢潮扮陳冠希 「爛嘅牛仔褲都炒到過萬蚊」【下一頁】
提到ERROR早陣子稱，希望與Do姐合作拍《Do姐ERROR遊》，193表示：「我每次見到Do姐都會講，但係一直都未成事。我哋成日講《Do姐ERROR遊》，真係難成事，因為《ERROR遊》要連續去兩、三個禮拜，每日瞓一、兩個鐘，仲要喺旅遊巴上瞓，大家都知道Do姐好養生，同埋要好早瞓覺，好早起身，所以好難夾到行程，再加上ERROR之前咩黐線嘢都做晒，好難再突破到以前《ERROR遊》，都有啲難拍到《Do姐ERROR遊》，要認真諗諗。」193透露稍後跟Do姐有合作機會，詳情有待公布。
對於自家品牌LILABOC，由193全權負責，自主權會多，他說：「今年年頭嘅新年喺旺角搞咗個Pop Up Store，都幾成功，而家年尾喺商場搞咗個聖誕節市集，我幾滿足。呢個品牌係自己一手一腳，由一個爛鬼火柴人logo搞出嚟，由我出道搞到而家，終於有少少成績。今次呢個市集雖然好貴，但我好多謝商場幫我實現願望，將我火柴人local放喺商場門口，變到立體化，同埋將我呢個品牌嘅吉祥物立體化，畀人影相。」
193＠ERROR與友人斥資200多萬元開Cafe 本周日開業：要呃「老婆」錢【下一頁】
入行前在時裝公司任職採購員的193，對時裝有敏銳觸覺，他表示希望日後再創立一個時裝品牌，「而家呢個牌子係得意啲，我想開多個牌子係潮流少少，例如以前陳冠希、余文樂、周柏豪年代，佢哋都有個自己嘅潮流品牌。我希望將來有個男仔都會買嚟著嘅品牌，同埋希望將我現有呢個品牌推到去其他國家，例如日本、台灣，而家係研究階段。」
無時無刻都把握商機的193，透露仲想開餐廳，現時仍是磋商階段。至於他與朋友合資的cafe，193坦言兼顧時間較少，只會閒時去飲杯咖啡食碟意粉，笑說：「cafe係我嘅拍檔主力搞，我只係參與前期工作，跟住就純粹坐享其成。」除了生意外，講到自己的演藝工作，他說在ERROR演唱會前，將推出自己第三首的solo歌。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】