擊敗西班牙首次殺入世界盃8強丨謝茜嘉摩洛哥老公開心到模糊 梁栢堅疑飲大咗：射贏梁詠琪老公

2022 FIFA世界盃在11月21日（香港時間）揭幕，由32個國家足球隊競逐世界盃冠軍，唔經唔覺噚晚又到爭入8強嘅賽事，摩洛哥對西班牙全場和局，加時後要靠互射12碼定勝負。西班牙頭3輪12碼全炒，而射先的摩洛哥頭3輪只有1球射失，最後摩洛哥歷史性殺入8強。

同場加映： 樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

4年一度嘅盛事，雖然中國隊決賽周都入唔到，但唔少愛國嘅香港人依然非常投入，所以唔難想像如果自己國家嘅球隊有份踢，係令人緊張幾多倍！噚晚贏波之後謝茜嘉就post佢摩洛哥籍老公Annouhi嘅睇波情況，真係隔住Mon都感受到佢嗰份激情同喜悅呀！謝茜嘉留言：「我老公開心到癲咗，Bye！我要去陪佢啦。（後記：我剛喺WhatsApp, IG收到嘅恭喜，多到我以為我哋再結婚添呀，多謝哂！）如果入埋4強我哋補擺喜酒啦咁！全國慶祝緊，聽日要放假啦。」

{{hket:inline-image name="315356065_645745360367255_3569950898316958087_n.jpg"}}{{/hket:inline-image}}

謝茜嘉post咗兩條片，一段係射12碼之前，見佢老公緊張到不得了，仲叫老婆聽聽佢心跳；第二條片就見到佢老公見證摩洛哥贏波一刻時開心到模糊嘅情形，老公先係跪低，隨即又成個彈起，仲凍冰冰都除衫慶祝，更疑似激動到喊。之後摩洛哥嘅朋友即刻打畀佢分享喜悅，真係見到都有啲感動。謝茜嘉話，12碼之前老公真係好擔心，冇笑過，相信而家一定笑到合唔埋口！

不過有人歡喜有人愁，西班牙呢場輸咗就要返家鄉，填詞人梁栢堅唔知係咪又飲多兩杯，仲幽西班牙新抱梁詠琪一默，出post講笑：「［世界盃人夫］謝茜嘉老公射贏梁詠琪老公。」唔少藝人朋友都不禁會心一笑。

商台DJ謝茜嘉2019年11月到摩洛哥拍攝節目時認識Annouhi，之後男方來到香港追求她，最後求婚成功，至今結婚兩年。謝茜嘉同老公非常恩愛，話老公係集激情、愛情與友情於一身嘅最好知己。

撰文︰娛樂組