四人男子組合C AllStar由參加歌唱比賽到現在，轉眼已成軍12年，這些年來他們有過不少代表作，《天梯》便是最受歡迎的歌曲之一。四位成員曾經單飛，隨後再度合體以組合名義在樂壇大展拳腳。他們四度奪得「叱咤樂壇組合金獎」和「叱咤樂壇我最喜愛的組合大獎」，兼且在其他音樂頒獎禮中奪得多個組合獎項。雖然屹立不倒成為了樂壇前輩，但四人拒絕做「大佬」。
同場加映：樊亦敏透過比賽增自信散發光芒 蔡國威林子超把握機遇「被看見」
同場加映：岑麗香獲大仔英雄救美讚Man爆 未敢再生B：怕自己處理唔到
早前C AllStar成員陳健安（安仔）、梁釗峰、何建曦（Jase）和吳崇銘（King）接受《晴報》訪問，他們回顧過去，感覺到娛樂圈生態改變了，現時已經榮升「師兄」的級別，等同張敬軒已經被稱呼為「軒爺」，兼夾被笑稱「樂壇關愛座系列」。C AllStar卻十分抗拒輩份，安仔反應最大：「有啲人見到我哋，有人會叫我哋乜哥，King爺、Jace老師、梁教授，好乞人憎，迫我哋老。」他們都覺得雖然歌手們都在不同年份入行，資歷有深有淺，但可以不分界限你我一起合作，Jase謂：「可以夾到一齊玩，我哋都見安仔（許志安）同年資冇咁深的歌手一齊玩，我覺得我哋可以同唔同人一齊做嘢，自己一個力有限，但多人行就可以帶到氣氛。」
商台補辦丨MIRROR 12子下月齊人挑戰籃球賽 教主Anson Lo欣宜拉闊騷接住開【下一頁】
下流上車族丨鄧智堅一晚連踩三劇造型百變 扮老演林敏驄好兄弟：冇違和感【下一頁】
四人曾跟鄭欣宜、Dear Jane等歌手合作，他們謂現時樂壇風氣已改，可以跨唱片公司合作，而且更多時候會在網上平台合唱，有多樣式的表演，樂迷有取褔，同樣歌手們也很享受，阿King謂：「我哋心中冇分前輩，睇音樂總類合唔合作到，有時我哋會翻唱人哋啲歌，新人或前輩歌都會唱，有乜歌啱就唱，用我哋方式將啲歌玩出嚟。」安仔總括地表示，他們情願做樂壇「萬能插」，也不要被封為「大哥」。
對於新的一年，四人並沒有周詳的計劃，但他們有靈感時也會造歌，只想隨心，並不急著要執行甚麼大計。他們入行以來，每年聖誕節都會街頭唱歌，與粉絲共度佳節，此乃C AllStar的傳統，但因為疫情，已多年沒有在尖沙咀街頭報佳音了。被歌迷追問何時復辦時，今個聖誕節終於有喜訊傳來 — 他們將會舉行大型戶外騷。釗峰表示這個聖誕騷意義重大，因為每年都充滿溫馨回憶：「我哋以往平安夜每年都落街頭倒數，尖東海旁，傳統維持咗八、九年，當有疫情就停咗，直至而家，平時佢哋幫我哋擺位，下午已經擺位了。」而安仔稱每年都好感動，像年尾頒獎禮，四人輪流講一番肉麻說話感言，倒數後會跟歌迷逐一擁抱。
C AllStar笑言戶外表演經常發生意外，安仔說：「差不多每年都會突然停電，冇人聲、冇喇叭同咪，跟住會清場，歌迷會幫我哋唱和音位置，嗰個位好感動。同埋就算現場冇晒燈，佢哋最後會排晒隊等我哋擁抱。」他們亦會與歌迷打成一片，有一年King在現場打碟帶動氣氛，歌迷在附近跳舞轉圈，又會興奮得一起吶喊和應，Jase則笑言：「我哋平時會帶埋香檳過去，我負責斟酒，有時會遞埋畀前面幾排的歌迷。」安仔則會充常聖誕老人，現場派禮物，但最感觸便是看著歌迷在人生中的變化，他們說：「有啲歌迷一年先會見一次，就係呢個聖誕報佳音，亦有啲人以前係畀成績表我哋睇，而家就帶埋啲BB去現場。」一個簡單的聖誕音樂會，載滿著各個人的願望。
攝影：何家賢
採訪：王連連
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】