崇光 × SLIMY ODDITY 推Love is Giving精品分享愛

臨近聖誕節，黛安聽公關姊妹講，崇光百貨將聯乘新加坡人氣藝術家SLIMY ODDITY，喺下周一（5日）至明年1月3日，推出Love is Giving限量精品，集合主角SLIMY、ODDITY及其好友，發放愛與正能量，陪大家共度佳節。

推廣期間仲會舉行幸運遊戲、慈善義賣等精采活動。SOGO Rewards喺推廣期內於店內購物，即可以優惠價換購限量聯乘精品，例如以$40換掛式抹手巾、$70換手挽袋等，會員喺崇光銅鑼灣店買滿$1,200，仲可參加幸運遊戲1次；買滿$1,800更可參加2次，有機會贏得購物禮券、「SLIMY ODDITY」禮品等。顧客仲可以慈善價$179購買崇光與「SLIMY ODDITY」聯乘推出嘅限定「暖Love Love」披肩，崇光亦會捐出$50畀「願望成真基金」，最啱買嚟送禮，同親友齊齊分享溫暖，分享愛！