亞視時期｜姚嘉妮甫與蔡國威「出土文物」舊照 神秘男被指似麥秋成意外成焦點

姚嘉妮在1998年參加《亞洲小姐競選》後獲季軍，與「六合彩之子」蔡國威早在亞視時期認識。日前姚嘉妮在社交網上載20多年前與對方的合照，青澀的臉孔成為討論焦點，而站在兩人中間的型男亦惹事網民興趣，猜測這位神秘男的身分！

同場加映：炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

姚嘉妮留言：「出土文物！兩件蛋散好似營養不良咁！轉眼同小威蔡國威真係識咗xx年，由亞視日日打麻雀，到睇住佢由六合彩之子再攞埋主持冠軍（《全能司儀選拔大賽2022》）！真係好戥你開心，希望你越嚟越好！#可唔可以變番營養不良 #可唔可以要番以前條腰」。

網民十分好奇，企在兩人中間的型男是誰？姚嘉妮、蔡國威一致留言表示：「我都唔知！」有網稱，神秘男是當年的校草，甚至有人認錯他是麥秋成！

{{hket:inline-image name="315616692_578632204267696_7703653702133143483_n.jpg"}}{{/hket:inline-image}}

蔡國威今日接受《晴報》訪問，他透露一位前亞視公關無意中發現這一張舊照片，然後傳給他和姚嘉妮。威仔表示，這張相是亞視舉辦《香港男士選舉》，進行招募活動時所拍下的，續說：「應該係1998年或者99年，喺酒吧招募一啲男仔，邀請佢哋去參加《香港男士選舉》，然後就影咗呢張相，所以中間嗰個應該係當時嘅素人，可能係…我同嘉嘉（姚嘉妮）真係唔記得！」

{{hket:inline-image name="60555189_2472607369424335_5233318277517672448_n.jpg"}}{{/hket:inline-image}}

有網民指中間這位男士是當年的校草，威仔說：「我都見到（留言），仲話係總冠軍吖嘛！唔知係咪咁啱得咁橋喺酒吧入面，定係模特兒公司嘅模特兒想參加？太耐世紀嘅事嘞，完全唔記得喇！」

全能司儀選拔大賽2022丨蔡國威勝出憾未趕及獎座獻亡父 與黃建東將「升呢」成台慶司儀【下一頁】

撰文：娛樂組

圖片來源：Facebook圖片