人稱「大師兄」的著名武打演員及武術指導徐忠信日前在家感不適後，送院搶救不治傳來噩耗，享年70歲。無綫Facebook「TVB大寶藏」上載了昔日的片段悼念他。擅演「賊王」的大師兄於2016年於《Sunday好戲王》節目中獲頒「另類好戲王」獎項時，被問到還想飾演甚麼類型角色，他展現其風趣一面話：「如果公司有機會畀我做小生嘅話，我都想做㗎！」引得全場人爆笑。
同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生
「大師兄」徐忠信外表惡形惡相，每次出場可謂霸氣十足，在節目中被主持人陳敏之問到演大賊的心得時，他說：「秘訣就係『少講多做』，做嘢要『砰砰聲』。（講一講大賊感言？）唔怕同大家講，我係頭號通緝犯，係全世界都想捉嘅世紀大賊，因為捉到我就有1億美金（懸紅），所以好多人想捉我，因為好過中六合彩…，不過，我個樣雖然惡咗啲，但係我心地善良，日行一善，希望各位觀眾記得我，我叫徐忠信，好多TVB同事都叫我『大師兄』，我係一個動作指導同演員，多謝大家！」語畢獲得場內觀眾不少掌聲支持。
徐忠信今日突然離世終年70歲 心臟問題須長期服藥 做戲奸角深入民心【下一頁】
此外，大師兄身為香港動作特技演員公會的副會長，會長錢嘉樂對大師兄離開大感可惜，「真係好可惜，我哋呢一代能夠有自己平台，可以去到荷李活拍咁多大製作，都係有賴咁多位前輩努力，一個行業咁精彩唔係靠一、兩個人，係成班人先做到，大師兄都係其中之一。上個星期先一齊去開會，開開心心去茶聚…，我哋都會緊密同佢屋企人接觸，我哋個會一定幫手跟進身後事。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
張振朗同大師兄在《包青天之再起風雲》合作過，在IG上載合照悼念前輩：「多謝當天的一句『你終於都成為一個男人』，令到今天的我唔再怕任何動作場面，展昭大個仔啦。R.I.P 大師兄」。江嘉敏、陳山聰、袁偉豪、譚俊彥、姚子羚、許家傑及蔡國威等，分別在post內用合十emoji來表達心意。
娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】