掌握流量密碼丨張蘭揚言爆大S笠汪小菲綠帽證據 植入式廣告賣出1萬箱酸辣粉

汪小菲與大S（徐熙媛）去年底離婚後，二人開始時一同發聲明宣布「和平分開」，不過日前大S向法庭申請查封汪小菲資產，皆因男方冇畀承諾嘅離婚生活費，沉寂多時嘅雙方都立即火力全開。汪小菲尋日不停開火鬧大S全家，一夜之間多咗超過44萬粉絲追蹤。而汪小菲母親張蘭都掌握到「流量密碼」，開直播撐阿仔兼狂數大S全家，順便「帶貨」，唔少網民都嗤之以鼻，覺得佢一家非常「奇葩」。

同場加映： 聲夢傳奇丨Chantel與Aska破11年代溝攜手開騷 預告有驚喜必殺技 阿寶做嘉賓？

{{hket:ul-video id="7027"}}{{/hket:ul-video}}

汪小菲尋日喺微博瘋狂發文，唔止「不忿」前妻大S再嫁，前姨仔小S都中槍，而前岳母S媽都出聲受到張蘭騷擾，汪小菲都冇畀面長輩，火力大開指S媽「抵鬧」。

{{hket:inline-image name="20201208006800.jpg"}}{{/hket:inline-image}}

張蘭都唔執輸，開直播鬧埋一份，更指自己掌握大S出軌證據，引到唔少網民入去睇佢講嘢。張蘭表示阿仔汪小菲太善良了，又話S媽是老狐狸，表面溫溫柔柔，實際心同鯊魚嘴一樣，並稱大S一家欺人太甚，「把你大鳳凰拔成禿尾巴雞」，並懷疑大S出軌，認為冇可能一個電話就決定結婚，又強調汪小菲簽離婚協議時冇同自己商量，先導致目前傷痕累累。最後大家等唔到大S出軌證據嘅連結，只係等到買酸辣粉嘅連結，據知張蘭直播期間賣咗約1萬箱酸辣粉，但有傳佢嘅直播間因此被查封，未知佢會唔會搵地方另起爐灶。

張蘭最後又開直播，喊話要汪小菲絕對不能去台灣，去了會有陷阱，又話自己會同阿仔一齊去，喊打喊殺話要帶埋高爾夫球棍去「講數」，揚言「做咩都得」。網友都偏向撐大S，更表示母子表現越發恐怖，低級無下限：「唉當初不跟張搞到一起（傳汪小菲出軌），一家人兒女雙全多好。」、「他們母子也是哼哈二將，搞笑的很。」、「清醒的時候是個人。喝點酒又甚麼都反悔了。」、「有誰真的這種時候還想著帶貨？」

圖片來源：微博