汪小菲為見大S往返中台隔離5次 奶奶張蘭like爆網民負評新抱

今年5月大S（徐熙媛）因為不滿老公汪小菲喺微博嘅言論，單方面宣布離婚。汪小菲即刻出招𠱁老婆，道歉兼封口，不過大S都係不為所動，仲「取消關注」，幸好最後喺大S媽同奶奶張蘭「勸交」下，婚姻危機警報已經解除。

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

夫妻和好後，上個月汪小菲低調返台見老婆同一對仔女，難得共敘天倫，不過未夠一個月，十月初佢已悄悄返回中國，並正在隔離中。日前汪小菲媽媽張蘭於抖音平台post一段7秒短片，留言：「汪小菲同學第五次隔離的第五天，每一天都值得記錄」，分享兒子早前經歷隔離之苦後，同一對仔女喺海邊享天倫樂嘅照片，大讚兒子「有家庭責任、有社會責任、有企業責任」。

{{hket:inline-image name="b64506e3d60032bbc7d1010d7d498988.jpg"}}{{/hket:inline-image}}

唔少網民都留言大讚汪小菲係暖男愛妻號， 隔離咁辛苦真係一次都兼多，而佢為咗妻少都願意多次往返中台，有網民幽默稱︰「小菲在創造一個隔離次數最多記錄。」都有人提到，感覺汪小菲係單方面付出，老婆一啲都唔心痛，網民你一句我一句留言：「大S就不能來北京嗎」、「媳婦兒怎麼就不能來北京，優秀的北京爺們兒天天跑」而爆就爆在張蘭對所有批評大S嘅留言都畀晒like！有眼利網民發現，思疑佢哋嘅婆媳關心唔係咁好，但張蘭立即解釋：「每一條評論我都認真對待，無論甚麼內容，大家都是用心了，我必須認真點讚。」

其實自大S同老公「鬧離婚」後，有人將目光聚焦喺大S同奶奶嘅關係上。張蘭同人合作成立「俏江南」公司後，榮獲「中國餐飲界十大最具影響力人物」、「中國十大最具影響力執行長（CEO）」、「北京市三八紅旗獎章」等榮譽，一個女人仔喺弱肉強食嘅商業世界都站得住腳，都係一個見慣風浪嘅人物。另一方面，大S媽媽曾為二人關係解畫，佢認為︰「每個人的看法不同，我不評論，熙媛和蘭姐常不見面，怎會不合？她們婆媳不見面，會想念彼此，見了面反而相處融洽，蘭姐很疼熙媛，熙媛也對蘭姐很好，蘭姐之前身體不舒服，熙媛都會叮嚀蘭姐要吃藥，要保重身體，注意健康。」

撰文：黃蘊姿