張蘭撐拖新女汪小菲係「暖男」 暗諷前新抱大S將兒子逼成渣男

大S和汪小菲去年11月宣布離婚，汪小菲被指偷食26歲內地女星張穎穎，不過汪小菲始終沒有承認，汪小菲媽媽張蘭更是極力否認。不過之後汪小菲就被影到同張穎穎十指緊扣，被指係帶女方去海南島同媽媽一齊過年，換言之張蘭都係知情者，同阿仔一齊隱瞞住前新抱大S。

同場加映： 鐵拳英雄丨鄭世豪等足廿年終成正劇男配角 全心全意做演員：艱辛但美滿

{{hket:ul-video id="5277"}}{{/hket:ul-video}}

{{hket:inline-image name="6cd9581fae8649c3a1990439ecf1bef2.jpeg"}}{{/hket:inline-image}}

一波未平，一波又起，日前張蘭喺網上開直播嘅時候大放厥詞，一番維護阿仔貶低前新抱嘅言論犯眾怒。張蘭回應網民提問，話中有話：「女人婚後別讓另一半活得太憋屈、太委屈，咱們不能太矯情，太自私了，要學會換位思考，這個婚姻才會幸福美滿，幸福不幸福，美滿不美滿，不在於別人，在於自己，有時候活生生的一個暖男，你把他逼成了渣男，你回憶想一想是不是自己的錯，還是咱們太強勢了」，雖然佢冇指名道姓，但網民都認為佢講緊大S。

唔少網民都戥大S可憐，忍咗一個咁嘅奶奶咁耐，委汪小菲之過畀其他人，留言：「女人最愛為難女人」、「大S再強勢也不及惡婆婆（奶奶）強勢」、「千錯萬錯一定不是兒子的錯」相反，大S自發離婚聲明後就冇再喺公開場合講過前婆家嘅不是，大器表現贏盡掌聲。其實張蘭「認可」張穎穎呢位新「新抱仔」一早有跡可尋，有人曾於微博上載二人一同出遊嘅Selfie，仲齊齊戴住「婆媳鏈」，關係匪淺。好多網民都同情大S無聲無息成為「外人」，真係人心隔肚皮呀！

圖片來源：微博
撰文：黃蘊姿

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】