足球小將踢入7仔 啤酒零食優惠助興 Market Place 推可口可樂足球

大家準備好迎接世界盃未？追看精采賽事之餘，又點少得零食汽水助興。黛安知道，7-Eleven同Market Place已經為大家準備咗唔少優惠，當中7-Eleven除咗有「宵夜睇波系列」優惠，買啤酒滿指定金額可用$2至$5加購雞髀、薯片等美食外，仲會聯乘經典動漫《足球小將》推出鎖匙扣、不鏽鋼杯等精品；今個星期五（18日）起至下月18日，用yuu to me網購滿$120，仲有免費送貨服務㖭。

另外，Market Place就同太古可口可樂喺世界盃期間，喺奧海城第二期中庭搞活動，除咗有巨型足球打卡位，仲有足球遊戲專區，球迷一定可以盡興。本月25日至下月22日期間，逢星期六、日買可口可樂或OOHA品牌嘅汽水產品滿$90，更可獲得限量版1號足球一個，數量有限，送完即止，到時記得去掃貨喇。