港鐵商場打造4大玩具聖誕場景 指定商場消費$6000送$1000優惠券

各大商場已開始籌劃聖誕特別節目，黛安聽聞，港鐵旗下4大商場包括PopCorn、德福廣場、青衣城及The LOHAS康城，今年首度聯乘「香港品牌玩具協會」，帶嚟一系列由佢哋會員出品嘅原創品牌玩具，以及迪士尼、彼思、Marvel、華納兄弟、派拉蒙環球嘅人氣玩具，仲有日本經典機械人和超人，為大家打造可以盡情打卡玩樂嘅聖誕樂園。

4大商場喺本月下旬將為玩具迷分別打造「夢‧玩‧車站」、「聖誕機械工場」、「聖誕遊樂園」同「正義英雄基地」4大玩具聖誕場景，更會展出極限量嘅珍藏玩具模型。公關姊妹預告，近30間本地玩具生產商，會喺各大場景展出約180件「鎮店之寶」，玩具迷可以大飽眼福喇。

此外，商場仲會推出期間限定「齊賞聖誕」獎賞回贈，MTR Mobile登記用戶由即日起至明年1月2日，喺港鐵商場以電子貨幣同日累積消費$2,000，可獲$200優惠券，同日累積消費滿$6,000，額外送$800優惠券，每人每日可獲最多合共$1,000電子優惠券。