霎時再感動︳滕麗名曾被前輩問點解黑口黑面 因唔聽別人意見行咗多年冤枉路

滕麗名於1995年參加新秀而入行，99年憑處境劇《真情》阿雪一角而廣為人知，之後同關詠荷合演《陀槍師姐》，升呢女一位置，角色「陳三元」成為她的代表作。現年46歲的阿滕，近年主力拍處境劇，包括《結·分@謊情式》、《愛·回家》（第一輯）及《愛·回家之開心速遞》，兜兜轉轉，劈憑「熊尚善」一角提名視后。

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

{{hket:inline-image name="11101001.jpg"}}{{/hket:inline-image}}

{{hket:inline-image name="11101002.jpg"}}{{/hket:inline-image}}

阿滕入行至今27年，事業可謂起起跌跌，她曾穩佔一線花旦席位。昨晚（9日）在《霎時再感動》內自爆昔日抗拒批評，結果行了多年冤枉路。阿滕表示：「記得初初入行時，好鍾意自己一個人坐埋一邊睇劇本，唔會同人溝通，亦唔識同人相處。其實社會正正係人與人嘅連繫，而演戲更加係人與人嘅溝通。當有前輩對我嘅表現有意見時，我非常之抗拒，我會話『唔係呀！其實點點點...』講好多好多藉口去推卸責任，完全聽唔入耳...」

霎時再感動│薛家燕回憶痛失好友黎小田 眼濕濕提到仍有一事耿耿於懷【下一頁】

阿滕透露深刻印象的一次，「有位前輩走過嚟直接咁講，『嘩！點解你個樣成日黑口黑面？成日嬲咗成村人咁，個樣好衰呀！』我喺度諗，惡意批評喎？我就回敬佢︰『唔係呀！其實呢...我冇表情個樣就係咁樣，阿媽生成我係咁，冇辦法㗎！』直至幾年之後某日，無意中睇到助手拍低我等埋位時嗰個樣，嘩...我真係驚一驚，原來自己冇表情時個樣真係可以咁惡，咁乞人憎！當刻即刻諗起嗰位前輩一番說話，佢只不過將事實講咗出嚟，佢唔係我嘅屋企人，唔會以我為中心點，亦都唔會修飾言詞；對方係出於好意，而我只係諗好多藉口去抗拒，如果當刻我接受別人批評去改善，我就唔使行咁多年冤枉路！」

（↓點擊放大睇圖片↓）

阿滕成長不少，人生閱歷豐富，她續說：「隨住社會嘅進步，物質嘅豐裕，有啲新一代習慣受到呵護，習慣受到照顧，佢哋會抗拒別人批評，甚至乎覺得別人嘅成功，係因為佢哋好彩佢哋幸運，而抹煞咗別人嘅努力，呢啲諗法，就好似當年嘅我。每個人都鍾意畀人稱讚，遇到批評時會抗拒，無論善意、惡意，都必定有佢原因。我哋要自我檢討，有錯就要認，唔好搵藉口，勇於面對自己嘅錯誤，咁樣我哋先可以繼續進步、成長，踏上成功之路。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】