霎時再感動︳「獎老」吳嘉儀感氣餒曾想劈炮 廁所偶遇高人：頓悟本身職責

花名「阿七」的吳嘉儀去年在《星空下的仁醫》內，飾演患有「結節性硬化症」的媽媽，將疾病遺傳到女兒（童星林靖文飾演）身上，兩母女的感情戲打動觀眾，獲得外界一致好評。今年她不單止在戲劇方面繼續有發揮，還有機會主持《開心無敵獎門人》，成為「獎門人」曾志偉身邊的「獎老」之一。

{{hket:inline-image name="10201003.jpg"}}{{/hket:inline-image}}

{{hket:inline-image name="6c48f8f5-79da-4fdc-a53f-8e9a38a8008c.JPG"}}{{/hket:inline-image}}

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

現年31歲的阿七是演藝學院戲劇藝術學士，於2015年加入TVB，至今已有7年，早期多演路人甲或閒角。昨晚（19日）她在《霎時再感動》自爆曾感氣餒想辭職，「我由訓練班畢業到而家已經7年，啱啱出嚟時候多數都係做群眾演員，或者替身嘅角色，食冇定時又成日唔夠瞓，試過最長連續拍攝42個鐘，都幾辛苦……但當節目出街嘅時候，都係只見到自己幾秒路過身影，嗰時好氣餒，我諗過……自己係咪應該要放棄呢？」

星空下的仁醫｜吳嘉儀孖童星演患病母女獲讚賞 網民：對白真係夭心夭肺…【下一頁】

幸好阿七在公司洗手間內偶遇一位「高人」，令她茅塞頓開，拋開一切心中疑慮。阿七憶述：「有一日我拍劇拍到凌晨5點，之後7點鐘又要拍另一套劇，我嗰時連返屋企沖個涼、洗個臉嘅時間都唔夠，所以行去錄影廠嘅廁所梳洗。當我入到去開大水喉洗臉，望到鏡入面嘅自己好攰，好晦氣咁講咗句『其實我都係路人甲啫，多我一個都唔多啦！』。呢個時候有個清潔阿姨攞住一紥花同一個膠水樽，擺在喺洗手盆側邊，插起啲花仲自己喺水樽用筆畫啲花紋，好有創意。」

【反黑路人甲】 吳嘉儀被𠝹刀誤傷腳血流如注 劇中演明星高海寧助手不時受氣【下一頁】

阿七當場忍不住問清潔阿姨：「你咁好心機嘅，其實你擺到咁靚放喺度，其實啲人去完廁所就走，都冇人留住，嘥晒！」估不到清潔阿姨鬆容笑一笑，然後神回應話：「唔嘥，嗰啲水樽都係用過嘅，啲花係拍攝完嘅道具，本來都唔要，我用啲心思整一整放喺度，希望路過啲人好攰或者唔開心嘅時候見到會開心番。」

（↓點擊放大睇圖片↓）

阿七聽完即有所頓悟，「阿姨真係好犀利，我嗰吓係叮一聲，原來佢啲心思係想𠱁人開心，我自己即刻諗到自己，我自己係藝人，其中一個職責係𠱁觀眾開心，但如果我自己都好晦氣時候，又點帶到快樂同正能量俾觀眾呢？所以由嗰件事開始同自己講，我以後做每一個工作、每一個演出，我都要有正能量，都要笑住去做，用100分嘅力去表演畀大家睇。」直至今年，阿七獲得帶給觀眾歡樂機會，成為《獎門人》其中一位「獎老」，「我希望喺以後每一場演出裡面，可以將快樂傳遞畀觀眾，而觀眾將呢份快樂分享畀佢哋屋企人。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】