眾所周知，在娛樂圈工作數十載的薛家燕，與已故音樂人黎小田是多年好友兼要好的工作上拍檔。2019年，黎小田（Michael）因末期肺癌而離世，享年73歲。家燕姐當時痛失摯友，傷心難過，她出席亡友的紀念音樂會仍然聲淚俱下。她在無綫節目《霎時再感動》中，再次分享與黎小田之間的故事，說當年二人一起合作主持節目《流行經典50年》時，沒察覺對方有異樣而耿耿於懷，重提此傷心事，她一度眼泛淚光。
下流上車族｜關曜儁疫市擲六位數第三度開健身室 三十而立背負養家責任兼顧演員夢
家燕姐在娛樂圈一直人緣甚廣，跟無數的藝人合作過，但對她來說，最珍惜的人還是黎小田，並一直示這位好拍檔為好友。他們的星途起步相似，二人小時候當童星時已認識，由黑白片年代，走進彩色世界，家燕姐說：「喺呢一行好難搵到好好的拍檔，我有幸，搵到拍檔，仲成為知己，佢就係黎小田，佢同我係童星出身，自細相識，好柏檔亦係好朋友。」
薛家燕見有生意鬼馬兩度𢲷撈 Jeffrey耍手爆笑：請唔起！【下一頁】
《霎時再感動》│鄭裕玲憶與沈殿霞笠垃圾袋避雨 肥姐曾開聲指導助成長感幸運【下一頁】
黎小田十分關心家燕姐，當年家燕姐與越南華僑兼商人石保慶結婚，生了3個仔女，一直相夫教子，原本幸褔美滿的生活，但因丈夫突然離家，生活突然發生巨變。作為一直關顧她的好友，黎小田在家燕姐人生低潮時亦不忘窩心照顧，家燕姐在節目中說：「當時經歷婚姻失敗，但佢同我講『唔使擔心，有乜事話我知，我會照顧你一生一世』，所以當日主持《流行經典50年》，想搵殿堂級人馬幫手，我就叫佢做。佢原本拒絕，話差不多退休，而家享清褔中，我同佢講『你又話會照顧我一生一世，講假？』佢立即話講真，之後遵守承諾幫手做。」
回想起該節目錄影的後期，家燕姐間中會聽到對方表示身體疲累，但自己並沒有在意：「後來佢有時話攰，有時拖住我隻手話點解好凍，我冇留意佢當時有病。直至有日拍節目，佢突然話心口痛，我見佢好唔舒服，就叫佢收工返屋企休息。」相依相伴，朋友撐過自己，家燕姐都一直守護當時在彌留的黎小田：「當時朋友叫我唱《心肝寶貝》畀小田哥聽，當時我一邊喊，一邊唱，我知佢聽到，最後佢安祥離開我哋，我覺得Michael對我哋友誼比我付出更多。我對於冇留意、關心佢身體情況，一直耿耿於懷。」說到此時，家燕姐都不禁勾起很多回憶而眼泛淚光。
經一事，長一智，家燕姐因此事後，更懂得關心身邊的家人、朋友，還不忘在節目中提到：「多啲關心朋友同埋屋企人，多一份關懷，多一份愛，世界會更美好。」相信，這一切都為時未晚。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：王連連