黃金萬両｜江嘉敏中暑頭暈唞唔到氣 勁難受 薛家燕話日日開工似焗桑拿

江嘉敏同薛家燕、麥美恩、朱智賢及曹永廉等合作的賀歲古裝劇《黃金萬両》，今個月開始拍攝工作，日前家燕姐在開鏡拜神儀式上，透露日日酷熱天氣下開工似焗桑拿，體重也輕了2、3磅，表明了夏天拍古裝劇的苦況。昨日（21日）江嘉敏拍到中暑，在社交平台訴苦，話自己中暑一刻頭暈兼唞唔到氣，加上不時想嘔的難受感覺，實在非筆墨可以形容。

{{hket:inline-image name="294773445_2857863847852015_8862950378378086236_n.jpg"}}{{/hket:inline-image}}

{{hket:inline-image name="293172726_1092578488326797_8911194261175915279_n.jpg"}}{{/hket:inline-image}}

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

家燕姐日前在活動上表示已有5年沒拍劇，知道今次是8集的賀歲喜劇，加上拍攝期只有一個多月，「畀公司打動咗而接演。」指監製吳冠宇體諒演員在夏天拍古裝劇十分辛苦，故減少戲服穿搭數量，「拍咗10日，日日都似焗桑拿，身上嘅脂肪少咗，體重輕咗2、3磅。知我年紀大、唔捱得，安排我每日只開一組廠景或外景。」話雖如此，拍檔江嘉敏昨晚在網上上載一張呆滯相，表示︰「開咁多日工，酷熱天氣警告就掛足咁多日，話就話35度，着埋套衫應該有40度！雖然係超級熱，不過拍攝真係好開心。」

江嘉敏常被網友嘲「時裝車禍」 Do姐質問：著咗上身覺得OK？【下一頁】

江嘉敏體力不支中暑，當時幸得家燕姐、麥美恩、朱智賢、林漪娸、馬貫東及黃子恆在旁悉心照料，她說：「多謝咁多位嘅照顧！又抹汗又吹風扇又整冰袋。尤其係今日，完全感受到咩叫起死回生。中暑嗰種頭痛頭暈唞唔到氣，就嚟嘔嘅難受，真係搵唔到詞語去形容！多謝晒服裝阿善嗱嗱聲幫我除哂啲衫，畀我唞吓氣……多謝兩個阿嫂，麥美恩，朱智賢幫我吹風扇又做埋我嘅人肉拐杖……多謝漪娸姐見我赤腳時拎對鞋畀我……多謝奶奶家燕姐請食雪糕……仲要多謝家燕姐嘅『私家護士』Macy瘋狂幫我抹身同埋搽油按穴位……梗係要多謝埋啲老公s咁鬼捱得，着住套咁厚嘅衫又爬又跳都冇暈低，等我可以唞多陣！好叻啊你哋！馬貫東，黃子恆。」

江嘉敏曾因王浩信有輕生念頭 自爆被青靚白淨無綫男演員力追【下一頁】

江嘉敏大讚《黃金萬両》台前幕後是一個好有愛的大家庭，希望觀眾日後睇劇時，會感受到眾人的熱情，欣賞他們的努力。她最後報平安寫上：「#終於update喇 #日日都瀕臨中暑狀態 #終於頂唔住 #第一次拍古裝好興奮 #嗱變返長頭髮喇 #冇咩事我去飲水再去瞓覺喇 #黃金萬両 #金枝」。

（↓點擊放大睇圖片↓）

在《親親我好媽》同江嘉敏飾演母女的江美儀，也有留言送上慰問︰「保重身體呀」，朱智賢則搞笑表示︰「今晚好好休息，好番後又咀賤過」。其他網民亦有隔空問候：「好好休息吓，保重身體，女神記住飲多啲水，好期待呢個劇出」、「Take care ahh Kaman（江嘉敏），飲多啲水啊，要狂飲水啊，記住記住啊」、「多啲飲水同埋好好休息，加油快啲好番。」、「嘉敏MM，拍戲也要注意防暑吖」及「這種天氣古裝真要命啊」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】