余慕蓮靠食標靶藥控制肺纖維化 仍記恨亡母：拋夫棄女嘅女人

余慕蓮（魚毛姐）日前接受新城節目《開心大派對》主持人薛家燕、范振鋒、思敏的訪問，宣傳她的自傳《我是一條豆角》。魚毛姐因肺纖維化入院接受治療，現時仍未完全康復，受訪時不時忍不住咳嗽，她說：「醫生話我呢個症唔會痊癒，而家我要食標靶藥控制住，唔好咁快復發，問醫生我幾時死，佢話『我點答你呀？有啲人一、兩年，有啲人幾個月』，我諗住未死之前，將我嘅一生寫成書，自己都80幾歲，好多人都排咗隊去咗嘞，幾時排到我？我唔知㗎嘛！」家燕姐替魚毛姐補充，書籍收益全數撥捐兒童癌病基金，現時已經籌得50多萬元。

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

{{hket:inline-image name="800_5261f0f90c9911f69fd79bcc5e1bee64.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

提到魚毛姐自小在片場游走，充當演員媽媽的助手，幫手拿化箱，家燕姐說：「你媽咪都好靚㗎喎！」魚毛姐瞪大眼睛，狠狠拋下一句：「靚有鬼用呀！佢唔係一個慈母吖嘛，佢係一個拋夫棄女嘅女人！你（家燕姐）未睇晒我本書咩？我敬佩你，你母愛爆棚，我從來都冇得到母愛，我冇人愛，所以我咁尊敬你。」家燕姐聽後立即拍拍魚毛姐說：「多謝！多謝！」

胡杏兒難忘當年余慕蓮陪捱通宵 捐10萬撐新書：你永遠係女主角【下一頁】

{{hket:inline-image name="800_08972549d39ddaf8f2418f01e6b8294c.jpg"}}{{/hket:inline-image}}

魚毛姐又指胞妹同樣得不到母愛，要寄宿粵劇名伶白雪仙（仙姐）家中，她深呼吸一啖氣續說：「嗰陣時...我仲要照顧廣州嘅細佬妹，我阿爸再結婚，佢係西關大少，日本仔打仗，我出世，1937年，打仗就乜都冇！我阿媽就拋夫棄女，嚟香港做演員...唔知，算係啦！」

85歲生日｜余慕蓮獲鄧達智汪曼玲送壽桃 清爽打扮更勝上年假髮look【下一頁】

{{hket:inline-image name="800_87a273e992dc104abf7bfc37f93682a8.jpg"}}{{/hket:inline-image}}

魚毛姐在10多年前，曾捐錢到貴州興建學校，她說：「因為我冇乜親人，又讀得書少，小學畢業㗎咋，好多字我都唔識，嗰陣時興起學校，我走去問蘇杏璇老公，佢話幫我搞，我就將自己啲退休金嘅一半用嚟起學校。」家燕姐問她：「你退休，你都要養自己㗎！」魚毛姐說：「我退咗休啫，我仲有好多外快，我可以去拍電影㗎嘛！因為我冇機會讀書，希望小朋友有機會讀書，將來可以出城搵錢，唔使成世做鄉下仔。」善心爆棚的魚毛姐，閒時會做義工，到老人院跟長者唱歌，她開心地說：「我有10首飲歌㗎，阿姐（汪明荃）嗰首《萬水千山總是情》...好多首，10隻歌走天涯。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】