2013年港姐︳歐陽巧瑩爆當年被康泰老闆漠視 唔明點解獲頒友誼小姐獎？

2013年港姐「友誼小姐」得主歐陽巧瑩，去年同老公林師傑移居英國，一心追求快樂的生活及空間。歐陽巧瑩也有留意康泰旅行社資不抵債啟動清盤的消息，她回憶選港姐前後不少事情，包括暗寸東華總理行為離地，最深刻印象是跟前康泰老闆黃士心有段不愉快經歷，形容當年「唔知點解會拎」友誼小姐獎。

{{hket:inline-image name="800_687a7e481cc6471c4f045da4d58733a3.jpg"}}{{/hket:inline-image}}

{{hket:inline-image name="skcwln201210080414_20160105_L.jpg"}}{{/hket:inline-image}}

同場加映：下流上車族｜關曜儁疫市擲六位數第三度開健身室 三十而立背負養家責任兼顧演員夢

{{hket:ul-video id="6868"}}{{/hket:ul-video}}

歐陽巧瑩這日在IG發文，講到她同黃士心一次不開心的見面，「話說早幾日見到新聞，見到康泰執笠，我有段回憶湧咗出嚟。話說，康泰嘅老闆叫黃士心（2019年已賣出全部股權），而我就係讀東華三院黃士心小學。喺2013年，康泰係常駐贊助港姐嘅機構，一次活動上，我終於見到佢。讀咗六年嘅小學，手冊、成績表……全部都有大大隻『黃士心』喺度，終於見到真人，感覺都幾古怪，跟住我做咗一個決定，我走上前同佢打招呼，話畀佢聽我讀過『黃士心』。當然，佢梗係冇反應啦，咁我都好自然地飄走。」

林師傑曾鑽牛角尖想輕生 3個月執好包袱移民英國追求快樂【下一頁】

遭到黃士心冷待的歐陽巧瑩，選完港姐後例牌要出席公司安排的活動，但其實她不太接受「友誼小姐」這個獎項，更暗寸活動上見到的東華總理「堅離地」，就連籌款騷《歡樂滿東華》必唱的院歌《東華心》，未必人人識唱，「接住就玩完港姐，拎咗個唔知點解會拎嘅獎，出席咗好多唔知點解要去嘅活動，其中一次令我印象好深刻嘅係東華三院嘅晚宴。嗰一晚，一開始都係要應酬吓傾吓閒計，然後佢哋問我『你喺邊度返嚟㗎』，我話『我唔係外國返嚟，我喺香港大』；言行間我透露咗自己中小學都係讀東華三院嘅學校，同枱嘅總理們都好奇咁，盡情地問咗好多有關民間疾苦嘅事……都算啦，但係重點問題係，冇人識唱《東華心》。」

林師傑與太太移居英國兩個多月 望開農場經營民宿自給自足【下一頁】

網友對於歐陽巧瑩這些經歷有些意見，有人話：「其實佢哋都唔太了解自己做嘅所謂善事。」及「其實佢哋對自己捐贈嘅學校應該冇乜特別感覺，用佢哋個名主要係因為捐咗錢，佢唔係有份參與教學理念同學校方針，所以冇乜反應都正常。」歐陽巧瑩疑似補鑊稱：「都有啲係真有心嘅，比率少啲啫...細個唔知咁多，會覺得『嘩有人起學校畀我哋讀書呀』！」

（↓點擊放大睇圖片↓）

有網友認同歐陽巧瑩內文所講的總理是「離地」，指東華三院第一堂音樂堂就是教唱院歌《東華心》，歐陽巧瑩搞笑回覆：「佢哋會覺得冇離地，只係佢哋塊地好高海拔...我哋覺得佢哋離地，佢哋又覺得我地離地。」

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】