全城一叮丨孖八為女兒做好榜樣博盡無悔 拒掛「王祖藍表弟」由路人甲做起

《全城一叮》昨晚畫上完美句號，「孖八」李俊華和林子超雙雙以40分高分成為雙冠軍，登上台主寶座。孖八是街舞界數一數二的機械舞者，三年前榮升成為爸爸，在太太的支持下毅然入行做演員。孖八未有恃住表哥王祖藍就要風得風，入行後做路人甲由低做起，邊做邊學習演技，39歲的他沒理會閒言閒語：「我唔覺得遲！」

同場加映：下流上車族｜關曜儁疫市擲六位數第三度開健身室 三十而立背負養家責任兼顧演員夢

{{hket:ul-video id="6868"}}{{/hket:ul-video}}

全城一叮丨落選港姐hea跳遭蔡一傑寸爆 王祖藍表弟孖八冇光環照樣要捱【下一頁】

{{hket:inline-image name="KJHFD.jpg"}}{{/hket:inline-image}}

{{hket:inline-image name="DSC04387.jpg"}}{{/hket:inline-image}}

{{hket:inline-image name="DSC04326.jpg"}}{{/hket:inline-image}}

孖八跳舞年資已經有22年之久，以往經常將喜歡的元素放入舞台表演，今次跳舞加演戲，為他帶來評判和現場觀眾的一致讚許，「細個喺街得多，而且大個跳得最多係廚房，今次呢個舞台演出，跳舞當然都想人認識，頭幾日的確有觀眾反應，不過我相信好快會忘記，但我最希望劇集監製都睇到我呢一面。」去年參加《盛舞者》入行，短短一年時間，孖八獲安排的工作大多數是路人甲或者《愛回家之開心速遞》中的茶客，但他完全沒介意，「好多人話太遲，我又唔覺，乜都唔識，但唔行出第一步點知？入劇組之後，我真係好鍾意同享受，就算等埋位時間，我都會睇人演戲、睇工作人員點擺機位、聽歌練舞等等，不會浪費任何時間。」

孖八是王祖藍表弟，以往參加比賽都被掛上這個稱號，他表示只是ATV參賽時講過，隨後都是被「起底」而標榜，他沒有刻意攀關係，「唔介意，又唔係我自己講，人哋講咪由佢囉，係咪靠表哥？間接囉，佢做咗個榜樣畀我哋屋企人睇，咁樣算唔算靠？每個人有唔同強項，我代表唔到佢，佢又做唔到我啲嘢！人比人比死人，最重要係做自己！」他表示祖藍平時都會約食飯，但比較關心兩公婆和女兒的生活。孖八亦感激「送水輝」許家傑、「大小姐」林淑敏和監製林建祥不時送上支持的說話，連《全城一叮》比賽當日正是許家傑生日，但他都樂意去撐場，「佢拉埋我一邊傾咗半個鐘，教我點樣講說話，一定要好好裝備自己，真係好多謝佢。」

盛舞者│宣傳片曝光 王祖藍表弟孖八參賽 狄以達任導師：我想參賽多啲【下一頁】

{{hket:inline-image name="DSC04344.jpg"}}{{/hket:inline-image}}

{{hket:inline-image name="59615661_882975375377095_7375136687560589312_n_600.jpg"}}{{/hket:inline-image}}

{{hket:inline-image name="DSC04278.jpg"}}{{/hket:inline-image}}

{{hket:inline-image name="DSC04306.jpg"}}{{/hket:inline-image}}

比賽中，孖八揚言希望給3歲女兒一個榜樣，鼓勵她勇敢去追夢，「而家個女見到電視有爸爸，就會好興奮，就算有時我想轉台睇外國比賽，但佢都話唔睇，要睇爸爸。我唔一定要個女讀書好叻，但希望畀佢早啲接觸Hip Hop，唔單止跳舞，而係份態度，成長最重要係開心。」他感激太太Coco一直以來的支持，特別是兩年前Coco犧牲自己，放棄穩定的美容院工作收入，努力考牌做紮肚師，就是為了抽更多時間親自照顧女兒，「太太一直以來好支持我，本身答應《全民造星II》係最後一次比賽，但佢都照樣鼓勵我去做，所以冇太太我就冇今日。」

{{hket:inline-image name="DSC04270.jpg"}}{{/hket:inline-image}}

{{hket:inline-image name="DSC04264.jpg"}}{{/hket:inline-image}}

{{hket:inline-image name="DSC04230.jpg"}}{{/hket:inline-image}}

{{hket:inline-image name="DSC04155.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

場地提供：Studio Meta
攝影：何家賢
責任編輯：楊安莉