台慶劇《下流上車族》播出以來，觀眾們對於鮑起靜影后級的演出都讚口不絕，事關她在劇中飾演Emma婆婆的角色，反映出不少長者的生活，非常貼地，而且感動人心。昨晚一集，Emma婆婆透過視像親自向親家老爺道歉，不諳日文的她拿着寫滿中文拼音的貓紙，逐隻字以日文讀出內容：「抱歉，我錯了，我對你的女兒不夠好，請你寬恕……我只有一個兒子家寶，我一直不懂管教，但他做事肯學肯捱，希望你多給他機會，不要再罵他，拜託你了。家寶只要得到家人支持，他便可以做好女婿、丈夫及父親的角色。」
同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺
下流上車族丨林景程演不孝子要狗唔要阿媽 聽到對手係鮑起靜：冇對白都做【下一頁】
Emma婆婆以有限的日文表達出對兒子無限的疼愛，在旁的家寶（林景程飾）被阿媽的「突變」感動，他眼濕濕說：「我咁大個仔，未聽過你同人道歉，你今次仲要係為咗我同人道歉……」最終兩母子和好如初摟作一團齊齊淚崩，場面感人。
影后鮑姐昨晚再獻神級演技，就連以日文講對白都滲出陣陣戲味，講到這場日文道歉戲， 鮑姐受訪時表示：「好彩當日有個幕後日文好叻，佢喺現場教我點講啲日文，即場教即場演，不過以前都有睇開日劇，所以啲音都係聽慣聽熟，所以好容易學。」問到講日語演戲會否影響情緒表達？鮑姐笑言：「其實只係將日文中文化（寫成中文拼音）嚟演繹，同埋角色本身日文唔叻，讀嘅時候梗會窒窒吓，但係為咗個仔唔識講都要講，呢個就係角色真實嘅情緒。」
下流上車族丨鮑起靜影后級獨腳戲令人動容 撞正移民潮反映出港人心聲【下一頁】
林景程憑「衰仔」角色入屋，「100%畀鮑姐牽動咗個情緒，佢真係畀到一個老人家好用心去學日文嘅感覺出嚟，聽住佢讀嗰段日文好感動，我啲眼淚好自然咁流出嚟，拍之前冇設計過幾時要喊出嚟，完全係感受住鮑姐啲戲去演。」景程又指幸好該場喊戲一Take過便完成，「鮑姐拍呢場戲前，仲同緊工作人員談笑風生，但佢一入咗個角色個情緒就已經喺度，佢唔係演緊個角色而係活緊個角色，每一場戲都令我嘆為觀止。」網友紛紛留言大讚：「我都睇到眼濕濕，兩母子對手戲好感動」、「鮑姐、林景程~非常感動! 擦出火花!」、「林景程演得很好，一直很喜歡他，希望他有多些演出機會。」、「鮑姐演技真一流！睇到我喊曬（晒）！演佢個仔的林景程亦好好！真係眼前一亮！」等等。
林景程在劇中演活忤逆仔的角色，跟《美麗戰場》中蔣家旻飾演的「反骨琪」相映成趣，不少網友都力推兩人問鼎今年《萬千星輝頒獎典禮》的「最佳男、女配角」獎項。景程和家旻兩人在社交平台分享合照，景程笑言：「應該係近日最壞既（嘅）其中兩個人！」而蔣家旻亦回應說：「你真係XX，大家咁話，多多指教。」她又轉發照片笑言：「有冇最受歡迎賤格獎？」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉