太古歷史展覽

早前去太古城中心濕平，地鐵行上去就見到有個展覽。行近一看，原來係太古的歷史展覽！昔日的太古船塢就係今日嘅太古城，今日嘅糖廠街就係昔日嘅太古煉糖廠，在太古城的停車場仍然可以見到太古船塢的小部分石牆，這個展覽在太古城舉辦可算是別具意義。

有一塊展板，很好玩，上面放滿了襟章，襟章設計多與歷史相關，有太古船塢舊地圖，有以前上海的太古辦公室，見到有細路拆了一個襟章拿走。咦？職員話這是免費紀念品，可以帶回去做紀念，他們會補充展板上的襟章。襟章有6款合共約1萬個，去到嘅時候已經有一款俾人攞晒。唉吔，儲唔齊6款㖭！

另一個得意位就是有部可口可樂自動售賣機。自動售賣機有甚麼特別？原來這部機賣的不是汽水，而是可口可樂鐵罐錢罌，一個只係5蚊。還有芬達、雪碧款式，可樂迷一定會收藏。又有一個大型的太古糖模型，那個懷舊的太古糖包裝，真係令人懷念。好多人都喺度打卡。

太古「信望香港信望未來」展覽去到11月6日。今個星期日的早上更有現場管弦樂演奏，有興趣就記得去睇下啦！

（本欄逢周五刊登）