奧海城「冬日夢幻樂園」 2000呎環保溜冰場+親子體驗時段+冰球挑戰賽

今個冬天真係好熱鬧，黛安收到風，大家去奧海城除咗可以欣賞足球盛事外，商場更會化身「冬日夢幻樂園」室內冰上世界，畀大家參與多項至潮嘅冰上運動。公關姊妹話，下月19日起至明年1月2日，奧海城將打造2,000呎巨型生態環保溜冰場，採用瑞士品牌嘅零能源消耗生態環保技術，為大家帶嚟全新冰上娛樂體驗，同時實踐信和集團致力推廣可持續發展嘅理念。

商場更特設逾400節溜冰體驗班，請專業教練教小朋友溜冰技巧，仲有親子體驗時段，家長可以同仔女同步學習，共享親子樂；大家亦可以喺「冰上運動挑戰站」接觸冰球及冰壺兩項新興運動，挑戰自己嘅眼界及敏捷。S+REWARDS或Olympian Kids會員只要喺會員手機應用程式，以指定點數即可以報名參加溜冰體驗班，又或換領挑戰站遊戲券。

另外，商場仲會邀請本地球會參加3人Vs 3人嘅冰球挑戰賽，大家可近距離感受冰球比賽嘅臨場刺激，更可為本地運動員打氣，有興趣參加嘅球會可密切留意奧海城fb嘅報名詳情。