電視版《帝女花》｜馬浚偉自嘲戰狼版周世顯勁打仗 暴曬拍打戲：我黑過古天樂

馬浚偉（馬仔）入行至今拍過不少古裝劇，計有《鹿鼎記》、《洛神》、《帝女花》、《秀才愛上兵》及《宮心計2深宮計》等，演繹不少角色，成就經典。馬仔日前聯同陳小芝和彭詠儀，主持港台節目《同理‧繼續傾》時，毫不保留指《帝女花》是「拍到怕嘅一齣劇」。原來他一心以為駙馬爺周世顯和長平公主是溫馨的史詩式愛情故事，誰不知正式拍攝時卻變成戰狼版︰周世顯竟然成日去打仗，馬仔太陽暴曬下拍打戲20日，皮膚變得黑過古天樂又勁甩皮，其中一場戲更意外令手指「爆缸」，等到外景最後一日戲分完成後，他激動得當場扔頭套。

{{hket:inline-image name="250796565_426990782116808_4774660068534342987_n.jpg"}}{{/hket:inline-image}}

{{hket:inline-image name="12092002.jpg"}}{{/hket:inline-image}}

同場加映：MIRROR半塊鏡開騷│Jer爆女友捧場但未修補關係 受訪時好兄弟肉緊幫手箍煲

{{hket:ul-video id="4841"}}{{/hket:ul-video}}

馬仔在節目內表示，很多人追問他何時再拍劇，拍檔們追問他昔日拍劇時感受，而「拍到嘔」的正是在2002年拍攝的《帝女花》，馬仔：「《帝女花》係熱天拍，搵我做駙馬爺周世顯，點知要出去打仗，由細到大認知嘅《帝女花》都係溫溫馨馨，點解我做嗰套成日要去打仗？而家睇番我嘅膚色黑過古天樂，以前亞視有齣《武俠帝女花》，估唔到仲有套《戰狼帝女花》，係戰狼版周世顯！當時我黑到一嚿炭、曬到甩晒皮，由朝到黑都喺太陽谷（外景勝地）拍嘢，拍咗廿日。」

鄭嘉穎重遇28年同屆新人馬浚偉 網民熱推「鬍鬚醫生」封視帝【下一頁】

他指此劇的武術指導是「大師兄」徐忠信，大家份屬老友，怎料劇本竟將周世顯寫成武將，勁多武打鏡頭又槍林彈雨，「仲要爬90度垂直嘅石壆，成三層樓高，仲要威也都冇條，要徒手爬上去，但我著晒成套古裝，身上盔甲好厚好難郁動。叫我攀石都算，上面仲用咗兩架大水車射水落嚟，搞到好似洪水咁，啲石頭就連洪水打落我哋個頭度！記得當時有位男演員掛喺半空落唔到嚟要嗌救命，我就拿臨爬咗上去先，始終冇用威也，一跌就會跌落嚟……」

同理繼續傾│馬浚偉認曾同高層樂易玲不咬弦 被林敬剛醉酒指罵 和解反成良朋【下一頁】

難忘場面一個接一個，其中阻止清兵入關的重頭戲，令馬仔手指受傷，「洪水將大炮沖到山澗之中，我呢個周世顯好似變咗《超人特工隊》、《復仇者聯盟》，一個飛身去斜坡執住大炮炮身，其他武師就拉郁大炮，一扯之下自己連人帶車被拖落去，拍出嚟好勁，大師兄話『Handsome Horse好嘢』。因為現場全部人係麻甩佬，辛苦啲都唔好意思嗌一句，咁樣會感覺好樣衰；有個武師突然同我講『你隻手爆缸』，原來手指背被𠝹開，我當刻熱到唔識痛，當時氣溫攝氏30幾40度，以為係啲水滴緊落嚟，其實係我隻手標緊血出嚟！大師兄搵人幫我，讚我係真漢子。隻手不停標血我都冇半句說話，我跟住同大師兄講『梗係啦使乜講』，然之後即刻舉高隻手止血，再噴透明膠布止血就算。」

（↓點擊放大睇圖片↓）

文質彬彬的駙馬爺要打仗，成日搞到全身污糟，馬仔返到公司時被工作人員追問點解額頭甩晒皮，「好記得最後一日外景煞科，又係喺太陽谷又係打仗，個天已經黑晒，明明日頭戲拍到夠晒，但嗰位導演死都唔肯收工，因爲呢場戲人多、器材多，成本貴，梗係要拍多啲返去，等監製讚。當拍完最後一個鏡頭叫cut，我唔淨止除頭盔，仲一手連古裝頭套都扯埋落嚟！明明黐晒膠水，但濕到一扯就甩，入面全部係汗水！我拎住頭套連頭盔，一嘢就掉落去地下，話我以後都唔嚟太陽谷！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}