飛美國登台丨雷深如13個鐘冇除罩冇如廁 網民批盲防疫：最好連街都唔好出

女歌手J.Arie雷深如經常語出驚人，話題性十足嘅佢去年喺網上節目《絲打圍爐》自爆性需求大，私下非常「大食」被封性女。近日香港外遊政策放寬變為「0+3」，J.Arie更遠赴美國出席菊梓喬音樂會擔任嘉賓，佢喺社交平台上講自己喺飛機嘅防疫措施，惹嚟唔少網民批評。

同場加映： 美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

J.Arie喺社交平台Post出佢一落機就大歎當地出名漢堡嘅相，留言：「我喺飛機13個鐘，冇除過口罩，冇飲過水，冇食過嘢，冇去過廁所。一落機就即刻狗衝去咗食價值670卡路里嘅超好食burger！打包啲返香港俾我最愛嘅JF們先！」網民都大表羨慕，不過都有唔少人批評佢盲目「防疫」，過猶不及！

{{hket:inline-image name="309433341_649622623190767_2867796769296084130_n.jpg"}}{{/hket:inline-image}}

唔少自稱Fans嘅人都留言直斥佢做法不當：「其實咁驚嘅話就最好連街都唔好出，喺屋企搵個袋粒住自己就最安全嘅」、「Fans都咁講咁驚不如困喺屋企」、「13個鐘冇除過口罩……個口罩仲有咩用？」、「缺水加埋尿道炎……點都嚴重過肺炎啦」、「咁使唔使畀個流動氧氣箱你？抗疫上腦！」、「落咗機除口罩食嘢又安全？」

不過都有唔少人認同佢嘅做法，留言力撐J.Arie：「飛機上廁所最唔衛生，做Show前小心些，保障自己能夠安全做到Show，以免染疫。做完工作咪可以放鬆飲食和玩」、「去到咁遠先病咗，又咳又沙聲，又表演唔到又賺唔到錢。」、「辛苦你喇！ 你係有責任心嘅人！」

圖片來源：Facebook