廖駿雄患胃癌寄語要檢查身體 「唔好以為自己有做運動就冇事」

現年62歲的廖駿雄（駿雄）兒時不愛讀書，最抗拒英文，一次機緣際遇，廖父在時任無綫新聞部經理姚先生安排下，讓駿雄入讀第8期無綫藝員訓練班。他最近接受《香港演藝人協會》訪問，表示在訓練班頭半年，都是為了應酬爸爸，之後才明白甚麼是做戲。

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

{{hket:inline-image name="13.jpg"}}{{/hket:inline-image}}

{{hket:inline-image name="50.jpg"}}{{/hket:inline-image}}

於80年代出道，駿雄原本想做配音員，「配音當年好賺錢，因為逐隻字計，『哎呀』就收一蚊，『殺佢，斬佢』又收兩蚊，但因為我外形高大要做幕前，做唔到配音員。」對於他在劇集《天師執位》飾演「大粒癦」深受觀眾喜愛，他說：「喺嗰段時間，我仲有拍《薛仁貴征東》演董逵，《北斗雙雄》演癲馬，其實好多作品，但大粒癦係比較受歡迎，可能因為主題係阿倫（譚詠麟）唱，好hit，亦都係翁美玲嘅事業高峰，所以我同翁美玲一齊，觀眾鍾意翁美玲，亦都鍾意埋我。」

62歲廖駿雄去年確診胃癌第四期 泰然自若：人怎能夠勝天【下一頁】

回想當年電視台之間的收視戰，令駿雄印象難忘，「80年代初，無綫同麗的打仗，喺打仗期間，所以台前幕後都好齊心，汪阿姐（汪明荃）、DoDo（鄭裕玲）、發哥（周潤發），所有前輩都喺公司瞓覺，就算返屋企，都係沖個涼就返嚟，24小時冇休息。見到前輩咁努力，自己邊敢偷懶。」

駿雄的兒子廖家爵之後跟隨爸爸的步伐，加入藝員訓練班後再正式成為演員，駿雄說：「娛樂圈講一命二運三風水，尤其是男演員，冇10年8年嘅浸淫，係磨唔到味道出嚟，佢比我仲高，1米84，但欠缺男人味道，我估佢要浸10年。佢簽咗TVB 5年，而家進入第3年，仲有2年，睇吓志偉哥（無綫總經理曾志偉）畀唔畀機會，唔畀機會，過多2年就可能要出嚟闖。」

綠葉王︳駿雄憶當年翁美玲為形象坐住瞓 幫好兄弟湯鎮業回覆影迷信【下一頁】

{{hket:inline-image name="275257.jpg"}}{{/hket:inline-image}}

駿雄曾跟發哥、廖啟智跑山，他發現智叔有數天沒跑，才知道對方患上胃癌第四期，「智叔走咗之後，到我發現自己嘅胃有啲痛，感覺係好似食飽，但又好似唔飽，一食嘢又發覺仲係飽，屋企人叫我去照，一照就發現係第三期，要即刻做手術。經過人生嘅考驗，發覺身體有毛病就要去檢查，唔好以為自己大隻，有做運動就冇事，智叔都有做運動，我哋成班人入面，智叔係最fit。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】