劉愷威與楊冪離婚4年終遇第二春？ 傳新歡為細18歲已婚女演員

現年48歲嘅劉愷威於2018年與內地一線花旦楊冪離婚，此後楊冪緋聞不絕，反觀劉愷威就似乎一直都係單身。不過，日前有內地網民喺個人社交平台爆料，自稱在跑步期間偶遇劉愷威拍拖，而女方都係內地嘅女明星。

同場加映： 美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

一位內地網民圖文並茂指劉愷威終於有第二春，從佢Post出嘅照片所見，相中男子與女方十指緊扣，低頭露出甜笑，而女方短髮及肩，頭戴Cap帽。呢位網民留言：「跑個步都能遇到明星談戀愛……真的絕了，劉愷威很高調，口罩都沒戴，女朋友也特別眼熟，演員，真的是大大方方沒問題，偷偷摸摸準熱搜。」

{{hket:inline-image name="bkn-20221013120130642-1013_00862_001_02b.jpg"}}{{/hket:inline-image}}

該爆料網民又表示肯定相中女子係內地演員尤靖茹，尤靖茹於1992年出世，同劉愷威相差18歲。爆料網民仲言之鑿鑿澄清佢哋唔係拍緊戲，係散緊步。而尤靖茹喺舊年12月30日曾曬出結婚相，因此有人認為唔可能係佢，該作者再於評論區發文：「我看得清清楚楚就是尤，大家說尤結婚了不可能，那就不能離了嗎！還說劉沒戴口罩不可能，我也是納悶他倆的高調，可能是我們住得太偏僻！」

而尤靖茹經理人立即闢謠，並斥：「造謠胡扯博眼球的，我勸你們善良！」尤靖茹本人也發文辟謠，又指自己現時身在寧波，而唔係劉愷威所在地北京，亦唔似相中女子嘅短髮，佢留言：「長髮小尤在寧波集中隔離ing，捅鼻子捅的我腦仁痛……疫情期間大家都做好防護，還有，造謠可是要負責任的。」​​​而劉愷威則暫時未有任何回應。

圖片來源：微博