美麗戰場｜唐詩詠孖麥秋成演心計夫妻 葉念琛搵相識15年好友客串全因佢夠…

無綫台慶劇《美麗戰場》第二周繼續引發熱話，昨晚（12 日）焦點落在客串演出的唐詩詠，飾演富貴趙太，是家寶（陳瀅飾）的補習學生之父母，表面一家和睦，隨著家寶撞破與趙先生（麥秋成飾）有外遇而泛起了暗湧……

{{hket:inline-image name="458.jpg"}}{{/hket:inline-image}}

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

某天，趙太忽然解僱家寶，因為「你睇咗一啲你唔應該睇到嘅嘢」，當觀眾以為是趙先生「滅口」，劇情卻大反轉，原來家寶有日拍下了趙生「偷食」照片並勒索30萬，趙先生因而向妻子自首，她寸完老公一輪後，即著手處理「蘇州屎」。她向家寶表明立場，霸道聲稱︰「你估我第一次知道我老公拖住第二個女人？咁多年佢出面有幾多女人，我會唔知道咩？我炒你，因為我知道趙生對你有意思呀...」並繼續指責，「家寶呀家寶，我好了解你呢啲表面好純情但裏面充滿住機心嘅女仔...唔使再擺出一副無辜樣喇，如果你真係咁清高，點解問我老公攞錢？你講吖！講啦嘛，冇嘢講呀呢...」

{{hket:inline-image name="1321.jpg"}}{{/hket:inline-image}}

唐詩詠、陳瀅該幕「講數戲」惹起網民高度關注，別具張力，大讚前者升呢「媽咪」有道理，紛紛稱︰「唐詩詠係咪宣萱上身」、「成套劇最醒女人係唐 C」、「唐C演阿太、媽媽角色啱佢年紀，睇得幾舒服」。網民同情家寶黑化，認為是為勢所迫，甚至另有內情。

貴為視后的唐詩詠這次特別客串《美麗戰場》，全為了撐好友葉念琛。二人相識接近15年，因電影《我的最愛》結緣，之後合作過《我要發達》、《我的情敵女婿》及《阿索的故事》，女方在《阿索的故事》中的角色亦叫阿寶。唐詩詠受訪時大讚葉念琛對她照顧有加，答應她一日內完成拍攝工序。而找上她演趙太一角，全因她夠惡，「導演成日話我好惡，應該要畀人見到我呢一面喎！」

{{hket:inline-image name="97.jpg"}}{{/hket:inline-image}}

唐詩詠大讚角色「好玩」又夠「寸」，事前做了數天「功課」，「試咗幾種唔同嘅演繹方法，去搵吓點樣最好睇。」又大讚葉念琛勇於嘗試，「佢好肯畀演員試啲未試過嘅嘢，呢次係完全不一樣嘅唐詩詠。」她與陳瀅曾在《四個女仔三個 BAR》中合作，大讚對方有很大進步，「我覺得佢收放自如咗好多。」

葉念琛則透露一度為趙生選角而煩惱，稱：「我想搵一個大家唔係咁熟悉嘅面孔，麥秋成佢冇同詩詠合作過，同埋佢身分、年紀都啱個角色。」

{{hket:inline-image name="6532.jpg"}}{{/hket:inline-image}}

《美麗戰場》│陳瀅頻頻瞪大眼表情引起熱論 網民批睇完發噩夢：未必太擺上心【下一頁】

圖片來源：大會提供

撰文：娛樂組