美麗戰場︱樊亦敏演霸氣港姐保母超搶Fo 看似正義但似乎同陳瀅有牙齒印

無綫台慶劇《美麗戰場》昨晚一集（10/10）的劇情「穿梭」於2006年及2022年之間，阿寶（陳瀅飾）、靜兒（劉佩玥飾）亦由閨密變成針鋒相對的陌路人。觀眾明顯受落2022年版本的她們，大讚有型，認為劉佩玥具備宮鬥強人Style，網民留言：「少少奸同黑化，但又冇好誇張」、「期待劉佩玥彈出」，並指她成功演繹人物的性格、心態上的變化和分別；由於官方宣傳上一直未有指出劉佩玥「忠奸」身分，令靜兒一角更添神秘。

{{hket:inline-image name="fan2.png"}}{{/hket:inline-image}}

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

除了劉佩玥，昨晚選美佳麗采華（葉蒨文飾）、晶晶（郭栢妍飾）及保母Cat姐（樊亦敏飾）也十分出位，采華打晶晶毒針，Cat姐不但未有中計更直斥對方，「咩叫唔好話你篤人背脊啫？你根本上就係篤緊佢背脊啦！我淨係問佢去咗邊啫，你講咁多嘢做咩啫？唔好話我話你吖，唔抵得人哋熱門呀而家？」大快人心兼勁有霸氣，短短數句Solo位獲網民大讚「好演技」。

{{hket:inline-image name="3485.jpg"}}{{/hket:inline-image}}

{{hket:inline-image name="265.jpg"}}{{/hket:inline-image}}

Cat姐雖看似正義，似乎與阿寶有牙齒印，後者咬牙切齒對她說：「你唔記得唔緊要，我鍾家寶喺呢行出名記性最好！」至於「倒模岑麗香」郭柏妍、「奸角潛力股」葉蒨文爾虞我詐，勾心鬥角，令觀眾十分期待之後風雲詭譎的選美情節。

另外，「世紀賤精」鍾家琪（蔣家旻飾）隨著劇情發展，暫時遠走他方（於第十集強勢重返選美舞台，跟陳瀅鬥個你死我活），而琪琪「暫別」後就換上「渣男」程裕進（丁子朗飾）接力發功。上周露出狐狸尾巴的裕進，背著女友小美（陳曉華飾）追求靜兒（劉佩玥飾）並加以誣衊，令好姊妹反目。本星期劇情，裕進再下一城，玩弄小美感情兼食軟飯，昨晚一集裕進以追夢為由再向小美苛索8萬港元，當後者為難地稱「我戶口真係唔夠錢」時，裕進竟理所當然稱：「夠㗎！張卡都未碌爆！」面皮厚到呢...

{{hket:inline-image name="5265.jpg"}}{{/hket:inline-image}}

第一次做「衰仔」，丁子朗坦言網上有不少人鬧他「油膩」，「我未做過咁嘅角色，通常我啲角色都係比較正面，所以要諗辦法拿捏。」最難忘對白則是「我咁靚仔，唔係唔溝女嘛」，收到劇本一刻，很是掙扎，「係咪真係要講？導演話一定要...」問到現實中他會形容自己甚麼類型情人時，他謙稱：「絕對唔係完美情人啦！所以每次拍劇都令我學識，原來咁樣做會令女方唔開心，然後不斷儲經驗去改善自己。」本劇編審、導演及監製葉念琛當初為何睇中他？丁子朗笑指：「渣男係要表面正氣、靚仔先至突出到內裏嘅渣，所以特登搵副老實嘅臉孔。」

圖片來源：劇集截圖、大會提供

美麗戰場｜丁子朗右手受傷左手卻被捽藥酒 劇集播出4集 穿崩位令人「出戲」【下一頁】

撰文：娛樂組