美麗戰場｜楊卓娜背老公杜燕歌與前度吳家樂偷情 兩人第四度演CP：永遠都有新鮮感

無綫台慶劇《美麗戰場》除了世紀賤精「反骨琪」（蔣家旻飾）成功彈出，楊卓娜飾演的芳姨，「衰格」亦引發熱話。多次飾演未亡人獲封「御用寡婦」的她，這次一反「傳統」告別「慘情」，惡毒繼母芳姨對老公鍾勝（杜燕歌飾）又打又鬧，陷害丈夫與前妻所生的女兒家寶（陳瀅飾），又背住老公與前度周創發（吳家樂飾）偷情，男方提議她謀奪鍾勝間屋……這對「姦夫淫婦」於今晚一集，對鍾勝「惡意升級」，「反骨琪」從中作梗，推波助瀾……

{{hket:inline-image name="yn.png"}}{{/hket:inline-image}}

同場加映：曾慧雲熱愛拍戲演閒角一樣開心 拍拖廿幾年不結婚視毛孩為兒女

{{hket:ul-video id="6676"}}{{/hket:ul-video}}

楊卓娜、吳家樂繼《實習天使》、《欺詐劇團》及《童時愛上你》後，在《美麗戰場》第四度演CP，演姦夫淫婦還是第一次。女方受訪時笑指與這組合一點也不覺得悶，「次次角色都好唔同，永遠都好有新鮮感！今次合作最特別嘅係，我每一日見到家樂個造型都好想笑，佢見到我又好想笑，我哋角色係『姣婆遇著脂粉客』！」

{{hket:inline-image name="yn4.png"}}{{/hket:inline-image}}

楊卓娜仲預告，與吳家樂還有五度CP合作，並謂初入行參與綜藝節目時，經常跟對方結伴跳舞。談到網友指她保養得宜、身形勁窈窕，她開心稱：「其實我拍呢齣劇嗰時仲肥過而家，劇入面有啲衫好短，我嗰排又冇乜做運動，條腰有啲鬆，老公見到仲話我肥豬腩！」

吳家樂則大讚女方是演技派，猶記得第一次合演CP已被對方震撼的眼淚流出量所征服，「佢滴眼淚係可以配合到鏡頭流落嚟！嗰刻我終於明白咩叫專業。」談到造型令她笑不停，吳家樂稱：「個造型……呢個唔係我嚟！當初葉導打電話畀我，要有啲娘同有啲佬味，咁我就專登唔去做咁多運動同食多咗嘢，專登keep雙下巴……都係唔達標，最後要戴假肚腩拍。」

美麗戰場｜陳嘉輝破格演鹹濕阿Sir入型入格 現實係愛妻號 與梁小冰相愛30年【下一頁】

撰文：娛樂組

圖片來源：大會提供、劇集截圖