黃翠如因乜想放棄121萬粉絲？ 忘形工作「爸爸」離世後感內疚

黃翠如近日接受陳敏之的邀請，擔任YouTube Channel嘉賓，提到兩人相識的趣事。黃翠如又分享在敘利亞拍攝節目回港後的體會，席間提到一位影響她最深的人。

{{hket:inline-image name="wong4.png"}}{{/hket:inline-image}}

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

陳敏之得知黃翠如是傳理系畢業，讚對方寫嘢「詩情畫意」，後者突然表示最近有戒玩社交媒體的打算，「覺得要戒social media（社交媒體），我又唔係唔鍾意…但social media suppose係要畀你思考嘅地方。當你被social media主宰你所有嘢，為咗佢而生活，我覺得好攰。」

{{hket:inline-image name="297568287_422783566543715_8457011025003127552_n.jpg"}}{{/hket:inline-image}}

{{hket:inline-image name="wong5.png"}}{{/hket:inline-image}}

她又提到之前到敘利亞拍節目無得上網，反而造就機會令她反思人生，「之前去敘利亞基本上係冇network，我哋本身慣咗任何時間都拎住電話，但去到一個地方冇network，放低電話就發現有『生活』返咗嚟。我會多咗思考，開始思考關於『生存』嘅嘢，例如我去一個部落，氣溫係攝氏40度，一人只有一枝水，會諗枝水要分幾多次飲...會諗好多平時唔會諗嘅嘢。」

黃翠如加盟TVB之前，自言思想固執，對於人嘅關係，「可以好好，或者乜嘢都冇。」有一位離世老人對她影響深遠，甚至令她內疚。「佢叫Waterman，50歲前做金融，搵好多錢...到50歲時佢老婆過咗身，佢就想離開呢個世界。呢個時候，有露宿者叫佢，『畀水我飲』，Waterman自問人生仲有意義？佢就將啲錢換晒水，揸住架爛車，同一隻眼失明嘅狗仔，周圍派水畀露宿者。」她指與Waterman相處了幾日，毫不掩飾的交流情感，互相託付，她亦視對方如「爸爸」一樣。

黃翠如曾經與Waterman關係好close，「日子耐咗，放低咗段關係，直到我收到佢喺美國寄嚟嘅一箱衣服同近照，我即刻打冷震，打電話畀佢，先知道佢身體開始唔好...」之後兩人又因工作斷了聯繫，她想聯絡他時，卻得知對方離世的消息。黃翠如至今仍十分內疚，哽咽表示：「好內疚係因為點解可以為咗好多無謂嘅工作，而遺忘咗一個喺地球上好需要我關心嘅人？」

拍TVB旅遊節目｜黃翠如訪敘利亞同攝製隊輪住病 面色蒼白雙手掩腹：貪吃惹的禍【下一頁】

撰文：娛樂組

圖片來源：IG圖片、YouTube影片截圖