黃翠如大馬再變靚靠指甲先認到 甫「性感」泳照陳敏之讚似鬼妹仔

現年40歲嘅黃翠如近日撇低老公蕭正楠去馬來西亞開工兼度假，目前寄住喺閨密大馬視后吳天瑜家中，二人感情好到不得了，翠如去咁耐，二人就糖黐豆咁耐，頻頻四圍去玩。近日翠如都多咗更新社交平台，張張都有晒構圖，有時仲襯埋衫，有好姊妹一齊打卡影靚相係特別唔同啲！日前翠如post出一張相見到佢又變靚咗，唔少粉絲都好like，藝人陳敏之更讚佢似鬼妹仔添！

同場加映： 金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

{{hket:inline-image name="278372294_302782888657399_3158042192227871197_n.jpg"}}{{/hket:inline-image}}

黃翠如日前着到背心游水露出香肩，同好姊妹吳天瑜打卡，留言：「說起來，我基本上沒有帶甚麼物資來馬來西亞，因為我習慣了穿她的衣服，她的護膚品，她的營養補給。」唔知翠如身上衣物係咪都係吳天瑜提供，比起平時嘅裝束少布，搞到老公蕭正楠留言詐型：「有冇問准我先，有冇先？」老公唔like，不過大把人like，陳敏之就留言「有啲似鬼妹仔」，睇落翠如的確係輪廓又再深咗，鼻高眼又大，混血感好重！

此外，吳天瑜都post出一張池邊影嘅靚相，高炒同大太陽之下相中二人睜唔開眼，而且皮膚飽滿，但就唔係好認得佢身邊係邊個！要睇番tag同埋對比番翠如近日搽嘅指甲油，先可以肯定到係佢。

其實翠如近年都多次被指外貌「進化」，不過佢都曾經反擊：「其實我成個人最自滿就係我個鼻，由細到大媽咪話我呢個鼻，叫做虎鼻係有福嘅，我可以一百個很定，唔心虛唔尷尬咁話畀你聽，我係唔會去整我個鼻嘅。」佢仲話被指整容冇難過，又話自己喺負面新聞下成長，如果大家睇嘅時候有啲娛樂嘅話，都覺唔係一件壞事。