陳自瑤風騷出海慶祝41歲生日 流淚認證黃翠如連詩雅：真心朋友

屢傳離婚的陳自瑤（Yoyo）上月27日生日，41歲牛一老公王浩信繼續冇影，不過就依然精彩。Yoyo除咗收到女兒QQ親手做嘅精美禮物之外，早前又同好姊妹徐菁遙（前名：徐淑敏）以及沈卓盈一同食飯慶祝；日前又有黃翠如同連詩雅幫佢搞驚喜party，Yoyo更感動到喊，真係好多人錫呀！

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

Yoyo日前同劇集《那些我愛過的人》中結緣、兩名戲裡戲外嘅好姊妹黃翠如和連詩雅出海慶生。黃翠如喺社交平台post出當日三人喺船上嘅片段，一開頭黃翠如同連詩雅二人喺船上悉心布置同埋準備食物，見佢哋準備嘅份量都頗為「大堆頭」，不過鏡頭內就見唔到第四個人喇。之後二人再喺生日卡上寫低真心話，一切準備就緒之後二人就接Yoyo上船！

{{hket:inline-image name="286304133_107769051990288_4587550713960184707_n.jpg"}}{{/hket:inline-image}}

Yoyo一上船已經笑到見牙唔見眼，一收到生日卡時更加泣不成聲，黃翠如不停摸頭安慰，連詩雅就安撫：「傻豬嚟嘅！傻豬嚟嘅！開心眼淚嚟嘅！」之後三人就瘋狂影靚相打卡，紀錄佢哋嘅甜蜜時光。Yoyo事後多謝兩位好姊妹，留言：「能遇到真心的朋友不容易，能互相愛護和扶持更難，謝謝你們給我感動又難忘的一天。今次最叻你兩個啦，成功搞喊我，好多謝你哋咁有心思！」

連詩雅留言畀Yoyo：「只想你開開心心，我們又多一個美好的回憶，遲來的祝福，生日快樂呀，我們的寶貝！」黃翠如透露原來咁有心思嘅係連詩雅，而佢就只係負責出力！唔少人都話雖然佢哋認識嘅時間唔係長，但真挈嘅友情真係令人好羨慕呀！

圖片來源：Instagram