鄭伊健憶拍劇遇前輩無理要求 為保秀髮古裝頭套黐勁低被教訓

鄭伊健最近與新晉導演應智贇、年輕演員李靖筠、陳海寧、雲浩影、黃淑蔓、鍾雪瑩、李玗蓁、王頤、宋嘉儀等合作電影《深宵閃避球》，伊健昨日接受鄭裕玲（Do姐）主持的商台節目《口水多過浪花》訪問時，他表示與年輕一代的溝通是最重要。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

{{hket:inline-image name="310974922_898475601131164_5233419079302235188_n.jpg"}}{{/hket:inline-image}}

伊健說：「而家好多時都講，上一代同新一代溝通唔到，我覺得呢個係好大嘅挑戰，難得佢搵你，入面有咁多新嘅人，要諗吓點樣令大家打成一團，故仔就係需要呢樣嘢，所以唔可以講一啲『我教你啦』，千祈唔好！應該話『不如大家試吓做一件事吖』。以前導演最大，而家就會商量，呢樣嘢我哋以前係冇。」

鄭伊健被勸服11月開紅館演唱會 改口話太太蒙嘉慧唔肥係強壯【下一頁】

Do姐問到導演會否夠膽NG他？伊健表示：「夠膽，你代表嗰個年代，唔代表係而家要嘅嘢。」Do姐大讚伊健好好，「我哋做𡃁嘅時候，都合作過啲大前輩，佢話點就點。」伊健接住說：「所以咪唔想做佢囉！我入行嘅時候，點解一定要跟你呢，所以我冇跟！」Do姐聞後嚇到心都離一離，「係呀？你咁反叛㗎？你真係古惑仔喎！講唔講得㗎？唔好講名吖！」伊健說：「以前喺電視台拍古裝，要黐頭套，啲人黐到有咁高得咁高，但黐得多會光頭，我就有咁低黐咁低。跟住前輩走埋嚟，『你過嚟，你係主角，妝又唔化，頭套又黐到馬騮咁，你改吓啦！』我咪坐埋一邊諗囉，係有啲道理，但我之前有爭取過，點解古裝一定要戴頭套，點解唔可以用自己嘅頭髮呢？啲人就當你耳邊風。後生係每事問，我做兒童節目嘅時候，試過去臨記室睇劇本，因為夠靜，但都被人鬧，『去臨記室不如做臨記』，點解會咁呢？我唔係好鍾意呢啲嘢，所以我一定唔會學佢哋。」

與8女新人無代溝 鄭伊健升呢做教練【下一頁】

{{hket:inline-image name="290741135_459494279418631_4980829646883270790_n.jpg"}}{{/hket:inline-image}}

此外，伊健和太太蒙嘉慧一直很喜歡日本，所以已在當地置業，更投資7位數轉戰日本房地產，伊健透露太太很想學日文，「當時申請過去，最容易係學日文，又成功咗，因為佢本身喺香港都有讀，所以我去拍嘢，佢話去讀書；之後佢遇到佢啲partner，試吓做地產，可能係香港同佢哋嘅緣分，如果喺嗰度做到啲嘢，又幫到人，都幾好玩。」Do姐問他有否陪太太學日文？伊健說：「好多年前係一齊學，上咗兩堂，因為我好多嘢做，就冇再學......咁追唔番㗎嘛，於是用手機學。開頭有個老師嚟屋企教，後來佢直頭要報課程，但我連50音都未全部ok，追唔到，佢就繼續學，我就繼續做嘢。而家大家有個距離，遲啲我會再去pick up（日文）。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】