黎諾懿教壞「小春雞」牙尖嘴利 窒老師「Fat」嗌鄭伊健「長毛飛」

黎諾懿到電台接受訪問，支持好友朱匯林開咪，主題是「人生最成功和最豬的事」。諾懿笑言：「我係成功人士，人生冇發生過豬事！雖然有人覺得生仔好蠢，但我覺得係最開心嘅事。」黎諾懿覺得教得兒子精靈活潑既愚蠢但又最開心，因為囝囝「小春雞」4歲人仔已牙尖嘴利經常駁嘴。因疫情關係同小春雞日對夜對，諾懿揚言：「好想拍劇呀，可以離開屋企！有人提議我帶埋個仔開工，如果要14日隔離，我24小時對住佢，我會死，佢實在太精靈。」

{{hket:inline-image name="192215468_2823253857934876_3949982443567528963_n.jpg"}}{{/hket:inline-image}}

黎諾懿指囝囝已開始駁嘴，試過被老師輕輕責罵，竟趁老師轉身後說「You are so fat（你很胖）」。就算兒子在學校被投訴，諾懿都冇怪責：「後悔教佢講嘢好大膽，可能我冇乜教養，教到佢似我。我又唔想個仔太乖，呢個歲數曳啲先得意，但相信有我嘅基因佢將來唔會壞。」諾懿續指：「我最後同個仔講『下次要等老師行遠啲先講』，小朋友太乖會失去童真。以前我教佢見到鄭伊健嗌『長毛飛』，而家囝囝好精靈，但可能我教得太好，有時都似古惑仔。」

（↓點擊圖片放大↓）

諾懿認為囝囝的古靈精怪是遺傳自他，不過老婆李潔瑩就不時怪責佢，要佢好好教導兒子，為兒子好要再審視自己的教育方法，對着某些人時要乖一點：「老婆有時話我哋嘅時候，佢會話『我笑咋嘛，又無講嘢』，所以我都係時候檢討自己教育方法。」佢又指小春雞經常讚人靚，因為是4歲人仔把口講出嚟，好多朋友都覺得好得意，搵囝囝多過搵自己：「佢見到靚姐姐又識讚，人哋對佢好佢就講說話氹人。」