黯夜守護者｜江嘉敏有勇無謀連累李國麟重傷 自認角色乞人憎：好想打小寶

無綫劇集《黯夜守護者》本周結局篇，昨日劇情講及網名「沙膽」嘅KOL盧小寶（江嘉敏 飾）跟蹤Rocky（陳國峰 飾），想要影低「挪亞方舟」真面目，點知事敗畀人追殺，爸爸羅威（李國麟 飾）出手相救，反被打至重傷。盧小寶成日貪玩踩過界，之前追蹤毒品來源令自己身陷險境，今次就連累父親受重傷，生死未卜...唔少網友直言小寶呢個角色係「無腦」兼累街坊，「話報仇但乜嘢都冇帶...有勇無謀，以為拍片就解決到問題？」

{{hket:inline-image name="dark6.png"}}{{/hket:inline-image}}

同場加映：黯夜守護者丨區明妙循亡父教導選擇無悔的路 18歲起財政獨立望照顧好媽媽

{{hket:ul-video id="6644"}}{{/hket:ul-video}}

愛女心切，羅威被Rocky襲擊而重傷昏迷，小寶終於識驚，喊晒口向媽咪Ada（陳敏之 飾）懺悔，表示早就知悉他是自己親父，後悔惡言相向。小寶追問媽咪，為何父親消失十多年...於是鏡頭一轉，回帶舊日足跡，羅威帶同手下現身小寶生日會上，後者並不知眼前「叔叔」與自己密不可分，態度十分冷淡...大輝（歐瑞偉 飾）追殺羅威，幸得細輝（陳展鵬 飾）幫手才能逃脫，因此「着草」潛逃十多年。不過回帶畫面實在太過冗長，「攤凍」了緊湊的節奏，觀眾、網民異口同聲，認為這一幕拖戲，可略作刪減或口頭簡單交代即可。

至於昨晚死亡名單再添一員，「神秘人」用牛肉刀襲擊Rocky，當場死亡。當羅威見到「黑衣人」容貌，爆咗句「你快啲去救小寶」，代表他們是認識的？在預告中，「神秘人」又再出現，追殺羅威、電暈輝Sir...「黑衣人」除低口罩時，被Ada撞破見到其真面目，她奔跑至天台，疑似墮樓...網上劇透，Big Boss就是深藏不露的文杰（謝東閔 飾），劇情不斷的故弄玄虛，唔通仲有變數？

{{hket:inline-image name="dark11.png"}}{{/hket:inline-image}}

本集小寶與羅威之間的父女情，前者一直以激嬲男方為樂，後因潑糞一事而關係好轉，小寶見到羅威垂危瞬間哭崩，談到人物設定的起承轉合，層次豐富，刁蠻、任性、感性、重情乜都有齊，江嘉敏受訪時笑指角色初段令人氣結，「喺頭半段，好多人包括我自己睇電視，見到小寶一出嚟搞搞震，都會好想打佢，我都想打！」

黯夜守護者︱殺高仿明同Jeff兇手係同一人？ 黑衣人老是常出現 網友估係謝東閔【下一頁】

圖片來源：劇集截圖

撰文：娛樂組